ჰაკერული თავდასხმა მოხდა ორგანიზციებზე,რომლებიც ცდილობენ კორონავირუსის ვაქცინის შემუშავებას დიდ ბრიტანეთში, აშშ-სა და კანადაში.
BBC-ის ინფორმაციით, დიდი ბრიტანეთის კიბერუსაფრთხოების ეროვნული ცენტრის (NCSC) განცხადებით, ჰაკერები მუშაობდნენ, როგორც ”რუსული სადაზვერვო სამსახურების ნაწილი”.
მან არ დააკონკრეტა, თუ რომელი ორგანიზაციები გახდა სამიზნე, ან იყო თუ არა რაიმე ინფორმაცია მოპარული. მაგრამ თქვა, რომ ვაქცინების კვლევას ხელი არ შეშლია.
რუსეთი მომხდართან კავშირს უარყოფს.
”ჩვენ არ გვაქვს ინფორმაცია იმის შესახებ, თუ ვის შეეძლო დიდი ბრიტანეთის ფარმაცევტულ კომპანიებსა და სამეცნიერო-ცენტრებზე თავდასხმა. ერთი რამის თქმა შეგვიძლია. რუსეთს საერთო არაფერი აქვს ამ მცდელობებთან.” – თქვა დიმიტრი პესკოვმა, პრეზიდენტ პუტინის სპიკერმა. ახალი ამბების სააგენტო Tass-თან.
ერთმა ექსპერტმა თქვა, რომ ”დამაჯერებელია” ის, რომ, მიუხედავად კრემლის უარყოფისა, რუსი ჯაშუშები მონაწილეობდნენ.
NCSC-ის განცხადებით, ჰაკერების ჯგუფს APT29, რომელიც ასევე ცნობილია, როგორც Dukes ან Cozy Bear. მისი თქმით, 95% -ზე მეტი დარწმუნებულია, რომ ეს ჯგუფი რუსული სადაზვერვო სამსახურების ნაწილია.
ამერიკული კიბერუსაფრთხოების ფირმა Crowdstrike- ის ცნობით, Cozy Bear პირველად იქნა გამოცხადებული, როგორც მნიშვნელოვანი “საფრთხის შემსრულებელი” 2014 წელს.
2017 წელს ის თავს დაესხა ნორვეგიის ლეიბორისტულ პარტიას, თავდაცვისა და საგარეო საქმეთა სამინისტროებს, ასევე ქვეყნის ეროვნული უსაფრთხოების სამსახურს. 2016 წელს კი ამერიკის დემოკრატიულ კომიტეტს.
„2020 წლის განმავლობაში, APT29 მიზნად ისახავს სხვადასხვა ორგანიზაციას, რომელიც მონაწილეობს Covid-19 ვაქცინის შემუშავებაში, კანადაში, შეერთებულ შტატებსა და გაერთიანებულ სამეფოში, სავარაუდოდ, იმ მიზნით, რომ მოიპარონ ინფორმაცია და ინტელექტუალური საკუთრება, რომელიც დაკავშირებულია Covid-19 ვაქცინების შემუშავებასა და ტესტირებაში,_ თქვა მან.
