რამდენიმე დღის წინ ცნობილმა რუსმა მწვრთნელმა იური სიომინმა ხვიჩა კვარაცხელიას „ნაპოლიში“ შესაძლო ტრანსფერზე ისაუბრა.
„თუ „რუბინი“ კვარაცხელიას ტრანსფერიდან ფულს ვერ მიიღებს, შეიძლება იმის თქმა, რომ ეს ერთგვარი ქურდობა იქნება. მიუხედავად იმისა, რომ ხვიჩა საკმაოდ ძვირფასი მოთამაშეა, მისი ტრანსფერიდან თანხა ვერც მოსკოვის „ლოკომოტივმა“ ვერ მიიღო.
კვარაცხელია ჩემს სამწვრთნელო კარიერაში ერთ-ერთი ყველაზე ტალანტი ფეხბურთელია, ვისთან ერთადაც მიმუშავია და ვფიქრობ, ის ათეულობით მილიონი ევრო ღირს. კვარაცხელიას „ნაპოლიში“ გადასვლას მაშინ მივულოცავ, როცა ეს ამბავი გაოფიციალურდება“, – განაცხადა იური სიომინმა.
ყაზანის „რუბინის“ გენერალურმა დირექტორმა რუსტემ საიმანოვმა კი ხვიჩა კვარაცხელიას გუნდიდან წასვლაზე ახალი, მორიგი კომენტარი გააკეთა.
„კვარცხელიას შემთხვევაში სიტუაცია ახსნილია. ადამიანი, რომლისაც გვესმის, აგენტი, რომლისაც გვესმის. რაღაცის პროგნოზირება მაინც შეგვიძლია. ხვიჩა, რა თქმა უნდა, მძიმე მდგომარეობაშია. საზღვარგარეთ ისტერიკაა. საქართველოდან მან უამრავი წერილი მიიღო. მან მესიჯები მაჩვენა. ის ახალგაზრდა გულწრფელი ბიჭია. მასზე დიდი ზეწოლა იყო. ვთხოვე, თამაში დაემთავრებინა და მხოლოდ მაშინ, როცა საერთაშორისო შესვენება მოვიდოდა წასულიყო. მან გაუძლო. მადლობა მას ამისთვის“,
ორი დღის წინ, ესპანეთის საფეხბურთო პირველობის მორიგ ტურში „ვალენსიამ“ „ოსასუნას“ უმასპინძლა და დამარცხდა – 1:2. ძირითად შემადგენლობაში კვლავ ითამაშა გიორგი მამარდაშვილმა, რომელმაც თავის გუნდს გაშვებული გოლების დროს ვერ უშველა, თუმცა ეს მისი ბრალი ნამდვილად არ გახლავთ.
ქართველი კარის დარაჯის ასპარეზობა გამოცემამ „AS“ შემდეგნაირად შეაფასა:
„თერთმეტმეტრიანი თითქმის, თითქმის მოიგერია. ეს იყო პირველი გოლი. „მესტალია“ მისი მოგერიების აღნიშვნას აპირებდა, თუმცა ჩიმი ავილას დარტყმა ძალიან ძლიერი იყო და შანსი არ ჰქონდა. მეორე გოლის დროს, ბუდიმირმა ბრწყინვალედ დაარტყა და ქართველი მეკარე აქაც უშანსოდ იყო.“
„მანჩესტერ სიტის“ ფეხბურთელმა ოლექსანდრ ზინჩენკომ უკრაინაში მიმდინარე მოვლენებზე ისაუბრა და რუსი მეგობრების მიმართ იმედგაცრუება გამოხატა.
„ომის დაწყებიდან შვიდ კვირაზე მეტი გავიდა და კარგად ხედავთ როგორ ავიწყდებათ ადამიანებს ყველაფერი. აღარ ახსოვთ, თუ როგორ უტევენ უკრაინას და როგორ ხოცავენ უდანაშაულო ადამიანებს. ჩემს სამშობლოში საშინელი სისასტიკე ხდება. ადამიანები შიმშილით იხოცებიან. ყოველდღე ახალ ცხედრებს პოულობენ. როგორ შეიძლება ასეთ დროს ვინმემ დაისვენოს? ამაზე გაცილებით მეტს უნდა საუბრობდნენ. მეზიზღება ხალხი, რომელიც უკრაინაში შეჭრას აგრძელებს. ამაზე საუბარს არ შევწყვეტ, რადგან მთელმა მსოფლიომ უნდა იცოდეს, რაც უკრაინაში ხდება. რუსეთში მყავს მეგობრები, რომლებსაც ეს ამბავი არ აღელვებთ. დღეიდან ისინი ჩემი მეგობრები აღარ არიან. ომის ნორმალიზება კანონით უნდა ისჯებოდეს.“
უკრაინის საფეხბურთო ნაკრები მსოფლიოს ჩემპიონატზე გასასვლელი „ფლეი-ოფის“ ნახევარფინალში გასვლაზე შოტლანდიას 1-ელ ივნისს შეხვდება, გამარჯვების შემთხვევაში კი ფინალში უელსს დაუპირისპირდება.
რუსეთის არმიასთან მებრძოლმა უკრაინელმა ჯარისკაცმა ტიმჩუკმა ეროვნული გუნდის ყოფილ მცველ არტიომ ფედეცკის სპეციალური შეტყობინება გაუგზავნა.
„გამარჯობა, არტიომ. მე მესაზღვრე ვარ. ჩვენ, სამშობლოს დამცველებს, არაფერი არ გვინდა, არც ფული, არც დიდება, არც მედლები. მიუხედავად ომისა, ხშირად ფეხბურთზე ვლაპარაკობთ. შენთან თხოვნა გვაქვს. თუ შეგიძლია დაუკავშირდე ნაკრების რომელიმე ფეხბურთელს, გადაეცი, გთხოვ, რომ სწორედ ახლა გვჭირდება მუნდიალის საგზური. სწორედ ახლა, როდესაც მთელი მსოფლიო ჩენს ქვეყანაზე საუბრობს, საჭიროა საბრძოლო სულისკვეთების ამაღლება. ამავე დროს გვესმის, როგორ მდგომარეობაშია უკრაინული ფეხბურთი“.
რამდენიმე დღის წინ მსოფლიო მასმედიის თვალთახედვის არეში ერთი პატარა უკრაინელი ბიჭუნა მოექცა. 12 წლის დმიტრო კედასთვის, ყველაზე ცუდი რამდენიმე კვირის შემდეგ, ახდენილი ოცნებების საღამო დადგა.
კედამ უკრაინის ქალაქ მარიუპოლში სამი კვირა გაატარა, როცა მას რუსული ძალები მომბავდნენ. ახლა კი ბიჭი ბოლო წუთზე მოედანზე შევიდა, სადაც დონეცკის „შახტარი“ საქველმოქმედო ამხანაგურ მატჩში პოლონურ „ლეხიას“ ეთამაშებოდა.
დმიტრომ „შახტარის“ რიგებში შესვლის შემდეგ, თანაგუნდელებთან რამდენიმე პასი გაცვალა, ბურთი კარში გაგზავნა და გაიტანა, თავი მაღლა ასწია და მისმა გოლმა უკრაინულ გუნდს 3:2 გაამარჯვებინა. მატჩის წინ, უკრაინის ეროვნული ჰიმნი გაჟღერდა, ხოლო ომის მსხვერპლთა ხსოვნას წუთიერი დუმილით პატივი მიაგეს. ორივე გუნდის მოთამაშეებს ეცვათ მაისურები წარწერით “შეაჩერე ომი”, ხოლო “შახტარის” მაისურებზე ომის შედეგად დაზარალებული უკრაინის ქალაქების სახელები იყო გამოხატული.
ავტორი
