სოფლის მეურნეობის სამინისტროს სურსათის ეროვნულმა სააგენტომ ოზურგეთის მუნიციპალიტეტს აზიურ ფაროსანასთან ბრძოლის მიზნით პრეპარატები გადასცა. გადაცემული პრეპარატების დარიგებას ადგილობრივი თვითთმართველი ერთეულები უზრუნველყოფენ.
“გურია ნიუსს“ აღნიშნულთან დაკავშირებით ოზურგეთის მუნიციპალიტეტის სოფლების მცხოვრებლები უკავშირდებიან და აცნობებენ, რომ შესაწამლი ნივთიერების გამოყენებისთვის კერძო პირები სთხოვენ 1000 მეტრზე 30 ლარს, 1 ჰექტარზე კი 300 ლარს. შესაბამისად, მათ აინტერსებთ, რამდენად კანონიერია ეს და გამოიყენება თუ არა პრეპარატი უფასოდ.
აღნიშნულთან დაკავშირებით “გურია ნიუსი“ დაუკავშირდა ოზურგეთის მუნიციპალიტეტის გამგეობის სოფლის მეურნეობის სამსახურის უფროსს გიგა ხარაბაძეს, რომელმაც “გურია ნიუსთან“ განმარტა, რომ სახელმწიფომ დაარიგა პრეპარატი და შესაწამლი ნივთიერება უფასოდ, ხოლო პირს, რომელიც ოჯახს მოემსახურება, თანხა უნდა გადაუხადონ:
_ რაღაც გაუგებრობასთან გვაქვს ადგილი, პირადად ჩემთვის გაუგებარია, ვიღაცა ფულს ითხოვდეს, ზღაპარია ეგ, კონკრეტული ფაქტი მინდა თუ სადმე მოხდა, გამორიცხულია, _ ამბობს ხარაბაძე და განმარტავს:
_ 462 სპეციალისტი მოვამზადეთ, დავარიგეთ 231 აპარატი სოფლებში, გარდა ამისა, იყო 50 აპარატი ადრინდელი. მიდგომა არის ინდივიდუალური, წამალი კი დავურიგეთ, მაგრამ მოსახლეობამ უნდა გადაწყვიტოს საკუთარი ძალებით შეწამლოს თუ ანაზღაურება მისცეს მუშას, რომელიც შეასრულებს სამუშაოს, თორემ აპარატის ხმარებაში არავინ არავის თანხას არ გამოართმვეს. სახელმწიფო ფულს არავის გადაუხდის, ანუ მუშას.
წამალი და აპარატი არის უფასო, თუმცა, მუშას, რომელიც მოემსახურება ოჯახებს, ანაზღაურება სჭირდება.
მაქ არანაირი დანაშაული არ არის. ეს არის მუნიციპალური ქონება, რომელიც ადგილზე გადავანაწილეთ სოფლების მიხედვით.
ადამიანი რომ მოცდება და სამუშაოს შეუსრულებს, იმას ფული უნდა გადაუხადოს, აბა, რა უნად ქნას. ეს ჩვეუელბრივი ამბავია. ეს ჩვეულებრივი მოლაპარაკების თემაა, _ ამბობს სოფლის მეურნეობის სამსახურის უფროსი.
