კანადელმა კანონმდებლებმა რუსეთის მიერ უკრაინაში ჩადენილი დანაშაულების გენოციდად აღიარებას მხარი დაუჭირეს. პარლამენტის წევრების თქმით, საკმარისი მტკიცებულება არსებობს იმის დასადასტურებლად, რომ რუსეთის ქმედებები უკრაინაში კაცობრიობის წინააღმდეგ ჩადენილი ომის დანაშაულებია, – ამის შესახებ reuters წერს.
კანადის თემთა პალატის განცხადებით, რუსეთის მიერ სამხედრო დანაშაულები, მასობრივ სისასტიკეს, უკრაინელი მშვიდობიანი მოსახლეობის განზრახ მკვლელობის სისტემურ შემთხვევებს, მიცვალებულების შეურაცხყოფას, უკრაინელი ბავშვების იძულებით დეპორტაციას, წამებას, ფიზიკურ და ფსიქიკურ ზიანს და გაუპატიურებას მოიცავს.
როგორც reuter წერს, კანადის მთავრობა, ასევე აცხადებს, რომ თემთა პალატა ისეთი კანონის შემუშავებას გეგმავს, რომელიც ქვეყანას რუსეთის წინააღმდეგ დაწესებული სანქციების ფარგლებში ჩამორთმეული ქონებისა და ფუფუნების საგნების უკრაინის აღსადგენად, ან რუსეთის შეჭრის შედეგად დაზარალებულთა დასახმარებლად გამოყენების საშუალებას მისცემს.
აპრილის დასაწყისში, კანადის პრემიერ-მინისტრმა ჯასტინ ტრუდომ თქვა, რომ უკრაინაში მიმდინარე პროცესების ფონზე, ტერმინი “გენოციდი” აბსოლუტურად სწორად და ზუსტად მიესადაგება რუსეთის ქმედებებს.
მანამდე, აშშ-ს პრეზიდენტმა ჯო ბაიდენმა განაცხადა, რომ უკრაინაში შეჭრა გენოციდს უტოლდებოდა, მაგრამ დაამატა, რომ საერთაშორისო იურისტებმა უნდა გადაწყვიტონ, აკმაყოფილებდა თუ არა შეჭრა გენოციდის კრიტერიუმებს.
რუსეთი, რომელიც უარყოფს გენოციდის ბრალდებას, უკრაინაში თავის ქმედებას “სპეციალურ სამხედრო ოპერაციას” უწოდებს და აცხადებს, რომ ეს აუცილებელია, რადგან შეერთებული შტატები უკრაინას რუსეთის დასამუქრებლად იყენებს. მოსკოვი თავის მხრივ უკრაინას რუსულენოვანი ხალხის გენოციდში ადანაშაულებს, ბრალდებას, რომელსაც უკრაინა სისულელედ უწოდებს.
კანადა არის იმ ქვეყნებს შორის, რომლებმაც სანქციები დაუწესეს რუსეთს 24 თებერვალს უკრაინაში შეჭრის შემდეგ. კანადამ ოთხშაბათს დააწესა დამატებითი სანქციები 203 პირზე, რომლებიც, თანამონაწილენი არიან რუსეთის მიერ დონბასის რეგიონის გარკვეული ტერიტორიების ანექსიის მცდელობაში.
კანადამ, ასევე განაახლა თავისი სამოგზაურო რჩევები მოლდოვას მიმართ, მოჰყავს შეიარაღებული კონფლიქტის საფრთხე დნესტრისპირეთში, რუსეთის მიერ ოკუპირებული მოლდოვის სეპარატისტულ ნაწილში დასავლეთში.
კანადის მთავრობამ მოგზაურებს სთხოვა გამოიჩინონ მაღალი სიფრთხილე მოლდოვაში და თავი აარიდონ დნესტრისპირეთში მოგზაურობას.
კანადის მთავრობამ, ასევე განაცხადა, რომ შეიცვლება სანქციების კანონები, რათა დაუშვას რუსეთისგან ჩამორთმეული ან სანქცირებული თანხების ან ქონების გადახდა უკრაინის ან რუსეთის შემოჭრის შედეგად დაზარალებულთა აღდგენის მიზნით.
შეგახსენებთ, რომ რუსი ოკუპანტები უკრაინაში მშვიდობიან მოქალაქეებს ხოცავენ – მას შემდეგ, რაც უკრაინელებმა ბუჩა დაიბრუნეს, ოკუპანტებისგან გათავისუფლებულ ქალაქში 400-ზე მეტი მშვიდობიანი მოქალაქე მოკლული იპოვეს. რუსეთი ბრალდებებს უარყოფს და ამ ყველაფერს უკრაინის “უკანასკნელ პროვოკაციას” უწოდებს.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო.
