მიჰყიდიან თუ არა უცხოელებს მიწას, ზეპარტიული პრეზიდენტი, ქალისა და მამაკაცის ქორწინებაში ჩანაწერის გაკეთება, მოქალაქეების მიმართ არჩევნებში მონაწილეობის საკითხის გამკაცრება, სასამართლო სისტემის გაძლიერება“, _ ამ და სხვა მნიშვნელოვან საკითხებზე ისაუბრეს ოზურგეთის დემოკრატიული ჩართულობის ცენტრში, კონსტიტუციის კანონპროექტის საჯარო განხილვის დროს საპარლამენტო უმრავლესობის ლიდერებმა და ასევე ოპოზიციის წარმომადგენლებმა.
პროექტის განხილვა თითქმის 5 საათის განმავლბაში გაგრძელდა. მას ადგილობრივი ხელისუფლების ოთხივე მუნიციპალიტეტის პირველი პირები, საჯარო მოხელეები, საკრებულოს დეპუტატები, არასამთავრობო სექტორი და მოქალაქეები ესწრებოდნენ. ოზურგეთის მაჟორიტარმა დეპუტატმა არჩილ თალაკვაძემ დარბაზში მსხდომ პირებს ახალი პროექტის შესახებ ინფორმაცია მიაწოდა, პარლამენტარმა მარიამ ჯაშმა კანონპროექტში შეტანილ ძირითად ცვლილებებსა და საკითხებზე ისაუბრა: “ჩვენ გვეძლევა ისტორიული შანსი ქვეყნის უზენაესი კანონის დასაბალსებლად და განსამტკიცებლად, შევიმუშაოთ ძლიერი პროექტი, რომელიც იქნება გარანტი ჩვენი ქვეყნისა. უცვლელია არჩევნებში 5 %-იანი ბარიერი, უცვლელია პრეზიდენტის სტატუსი, მისი იმუნიტეტი. პირველ რიგში, კონსტიტუციის პროექტის მიხედვით, ძლიერდება სოციალური სახელმწიფოს პრინციპი, შშმ პირების უფლებები, ჩნდება ქალისა და მამაკაცის უფლებების თანასწორი ჩანაწერი გენდერულ ბალანსთან დაკავშირებით, ძლიერდება სახელმწიფო ენის დაცულობა, შრომითი უფლებები და სახელმწიფოს სიმბოლიკა, კონკრეტდება ჩანაწერი ქორწინებაში“, _ განაცხადა მარიამ ჯაშმა.
რაც შეეხება მიწის გასხვისებასთან დაკავშირებულ საკითხს, ჯაშმა განმარტა, რომ ამ მხრივ, საკითხი ძალიან მკაცრდება და მიწა უცხოლებზე აღარ გასხვისდება: “კონსტიიტუციით და ასევე, ორგანული კანონით უკიდურესად გამკაცრდება მიწის გასხვისება უცხო ქვეყნის მოქალაქეებზე; კონსტიტუციით გამკაცრდება მოქალაქეების არჩევნებში და რეფერენდუმებში მონაწილეობის საკითხი, კონსტიტუციის პროექტით ძლიერდება კონსტიტუციური ორგანოების დაცულობა, მკაცრდება პარლამენტის წევრთა უფლება-მოვალეობები, პრეზიდენტი იქნება ზეპარტიული. ეს არის უმნიშვნელოვანესი მოთხოვნა, პრეზიდენტი არ უნდა იყოს არცერთი პარტიის წევრი და მან რეალურად უნდა შეძლოს დამოუკიდებელი არბიტრის როლის შესრულება. პრეზიდენტის ასაკი იქნება სულ მცირე 40 წელი და ასევე, საქართველოში ცხოვრების 15 წელი, პრეზიდენტი უშუალოდ ვერ ჩაერევა მთავრობის საქმიანობაში. გაძლიერდება სასამართლო სისტემა და მისი დამოუკიდებლობის გარანტი, იუსტიციის საბჭოს ენიჭება უფლება უზენაესის სასამართლოს მოსამართლეების წარდგინების, რომლის მინიმალური რაოდენობა განისაზრღვრება 25 მოსამართლით. მოსამართლეების მინიმაულირი ასაკი იზრდება 35-წლამდე და სულ მცირე, 10-წლიანი გამოცდილება იქნება შერჩევის კრიტერიუმებში“, _ განაცხადეს საპარლამენტო უმრავლესობის ლიდერებმა. სიტუაციას აკონტროლებდა სამოქალაქო ფორმაში ჩაცმული სამართალდამცავები, თუმცა, განხილვა მშვიდ ვითარებაში დასრულდა.
