ნათელა ღლონტი, 50 წელზე მეტია, პედაგოგიურ სარბილეზეა. ის ოზურგეთის მუნიციპალიტეტის, სოფელ დვაბზუს საჯარო სკოლის ქართული ენისა და ლიტერატურის მასწავლებელია. თავიდანვე, როცა სოფელ ცხემლისხიდის საშუალო სკოლა დაამთავრა და სწავლა გააგრძელა შოთა რუსთაველის სახელობის ბათუმის სახელმწიფო პედაგოგიურ ინსტიტუტში, ფილოლოგიის ფაკულტეტზე, მტკიცედ ჩაიფიქრა, რომ მთელი ცხოვრება მასწავლებლის საამაყო პროფესიას არ უგანებდა და სმშობლოს საუკეთესო თაობებს აღუზრდიდა.
_ სოფელ დვაბზუს საჯარო სკოლაში მუშაობა ჯერ პიონერხელმძღვანელად დავიწყე, შემდგომ დირექტორის მოადგილედ კლასგარეშე და სკოლისგარეშე აღმზრდელობით მუშაობის დარგში, პარალელურად _ ქართული ენისა და ლიტერატურის მასწავლებლად. დღემდე აქტიურად ვმუშაობ და მე არ მახსოვს, ოდნავ დავღლილიყო ან თავი მოშვებულად მეგრძნო. დღემდე სისტემატურად ვესწრები ტრენინგებს, სემინარებს, ვმონაწილეობ სხვადასხვა კონკურსში. საგანმანათლებლო და სოციალურ პროექტებში, _ მოკრძალებით საუბრობს საკუთარ თავზე.
2015 წლიდან, დვაბზუს საჯარო სკოლაში, მისი კურატორობით დაარსდა კლუბი “საფიხვნო’’, ასევე, ქართული ენის გრამატიკის უკეთ შემსწავლელთა წრე “ლამპარი’’. დარეგისტრირებულია საერთაშორისო საგანმანათლებლო პორტალზე e-twinning plus portal, სადაც სხვა მონაწილეებთან ერთად, ქმნის პროექტებს, ყველასთან ერთად გეგმავს აქტივობებს, მუდამ იბრძვის პროფესიული განვითარებისთვის. სულ ამ საგანმანათლებლო პორტალზე განხორციელებული აქვს 31 პროექტი. კლუბში ახორციელებს სხვადასხვა აქტივობებს: პედაგოგებთან და მოსწავლეებთან ერთად სულ დგამს ლიტერატურულ საღამოებს, ღონისძიებებს, აქციებს, სხვადასხვა თემატიკაზე. კლუბი ხელს უწყობს მომავალ თაობებში დემოკრატიული ღირებულებების ჩამოყალიბებას, სკოლებს შორის თანამშრომლობითი ურთიერთობების ჩამოყალიბებას, ხშირად პროექტები სხვადასხვა სკოლების ჩართულობით ხორციელდება, არა მარტო საქართველოს არამედ სხვადასხვა ქვეყნებიც კი არიან ჩართულები. ყოველივე ამაში კი მისი წვლილი უდიდესია, გაგაოცებთ _ მისი ძალისხმევა მუდამ იწვევს აღტაცებას და გაკვირვებას, _ ასე საუბრობენ ქალბატონ ნათელაზე კოლეგები, მშობლები, პედაგოგთა პროფკავშირის წარმომადგენლები.
_ოზურგეთს ჰყავს საუცხოო მასწავლებლები. თუმცა, არიან რჩეულთა შორის რჩეულები. რამდენი უნდა ვთქვა და ვისაუბრო ქალბატონ ნათელა ღლონტზე, არ დავიღლები მისი ქებით. რასაც ხელს მოკიდებს, იმ საქმეს იმდენად სრულფასოვნად და პასუხისმგებლობით აკეთებს, გაგაოცებს. ნათქვამი რომ არის “თვალდახუჭული ენდობიო” _ სწორედ ასეთი ადამიანები ქმნიან, ალბათ, ამის თქმის საფუძველს… და მასწავლებლობა მეტი რაა? ახალგაზრდა ვერ მიედრება, იმდენად ენერგიული და მარად ანთებულია. დღეგრძელობას ვუსურვებ. ასეთი მასწავლებლების პატრონ სკოლებს რა უჭირთ? _ ამბობს პედაგოგთა და მეცნიერთა პროფკავშირის ოზურგეთის რაიონული ორგანიზაციის ხელმძღვანელი, როზა გოგუაძე.
ნათელა ღლონტის ნახევარსაუკუნოვანი პედაგოგიური სარბიელი, როგორც თავად ამბობს, მუდამ ” “ჩვენ” და არა “მე” “განცდის ჩამოყალიბება იყო. დაეს მუდამ იყო წარმატების გზამკვლევი.
_მოწადინებული ვარ და დღეს ყველაზე მეტად ვაკმაყოფილებ მოსწავლეებში ზოგადსაკაცობრიო მოქალაქეობრივი ღირებულებებისა და პრინციპების სწავლებას, რადგან ჩართული ვარ e-Twinning plus საგანმანათლებლო ქსელში, სადაც მოსწავლეები სხვადასხვა ქვეყნის, სხვადასხვა კულტურის თანატოლებთან ერთად ახორციელებენ პროექტებს. ამასთანავე ეჩვევიან მათთან ურთიერთობას, მათ იციან, რომ სხვა კულტურის, სხვა რელიგიური აღმსარებლობის, სხვა შეხედულებების ადამიანებს ისეთივე ადგილი აქვთ ჩვენს საზოგადოებაში, როგორც ჩვენ მათ საზოგადოებაში, მე ამას ვიყენებ სასწავლო რესურსადაც, როგორც კულტურათა დიალოგის მაგალითი. საქართველო ხომ მულტიკულტურული და მულტილინგვისტური ქვეყანაა, რომ ჩვენ არ შეიძლება ჩავიკეტოთ ჩვენს კულტურაში, არამედ უნდა ვიყოთ ღია, გავამდიდროთ ჩვენი კულტურა. მოსწავლეები ეცნობიან როგორ ცხოვრობენ როგორ სწავლობენ, თანატოლები, რა ადათები, წესები აქვთ თავიანთ ქვეყნებში. ეს ყველაფერი მომგებიანი მიდგომაა მოტივაციის ამაღლებისთვის და იმისათვის, რომ გავხადო სწავლა სახალისო პროცესი. კლუბში არსებული წესები პოზიტიური სასკოლო კულტურის ჩამოყალიბების ერთ-ერთ ძირითად ხელშემწყობად გვევლინება, _ მშვიდად, ბავშვებისადმი სიყვარულით ანთებული თვალებით გვიამბობს ის და უსაზღვრო სიკეთით სავსე მზერის პარალელურად, იგრძნობა მისი ხასიათს სიმტკიცე, ლოიალობაც და პრინციპულობაც…
მისი გადმოსახედიდან მოსწავლეებში აუცილებელია გამოწვევებთან გამკლავებაში საკუთარი წვლილის შეტანის სურვილის გაღვივება, შედეგებზე ორიენტირებული შეთანხმებული და თანმიმდევრული ქმედებები. ამიტომაც მუდამ ცდილობს, ძირითადი საქმიანობის პარალელურად, ჩართული იყოს სასწავლო გარემოს სიჯანსაღისა და სასკოლო კულტურის პოზიტიურობის კვლევის საქმეში. ამასთანავე ზოგადი განათლების ეროვნული მიზნების, ეროვნული სასწავლო გეგმისა და მასწავლებლის პროფესიული სტანდარტით მოთხოვნითა გათვალისწინებით წარვმართავ საკუთარ პედაგოგიურ საქმიანობას. მუდმივად ზრდის მოსწავლეთა ავტონომიურობის და გაზიარებული პასუხისმგებლობის ხარისხს. ჩემ მიერ განხორციელებული აქტივობები მოსწავლეებს დაეხმარა სოციალური, მორალური, სამოქალაქო პასუხისმგებლობის გაცნობიერებისა და საზოგადოებრივ ცხოვრებაში მონაწილ-ეობისათვის საჭირო კომპეტენციების განვითარებაში.
_ ხშირად ვმონაწილეობ სხვადასხვა კონკურსებში და ვარ არაერთი კონკურსის მონაწილე და გამარჯვებული პროექტი “გაამწვანე დღეს _ იცხოვრე ხვალ’’ _ ეროვნული ხარისხის ნიშანი 2021წ; კონკურსი “მწვანე ჯილდო’’ _ ნახევარფინალისტი 2022წ; მასწავლებლის ეროვნული ჯილდო, ოცეულის წევრი 2018 წ; მასწავლებელთა IV ყრილობის დელეგატი, დაჯილდოებული ვარ “სახალხო განათლების წარჩინებულის’’ სამკერდე ნიშნით; მადლობის ფურცელი 69-ე სასწავლო შემოქმედებით კონფერენციაში აქტიური მონაწილეობისათვის. საქართველოს მოსწავლე ახალგაზრდობის ეროვნული სასახლე, თბილისი, 2015 წელი, სასკოლო ცხოვრების აქტივობა-სიახლეებისა და სასკოლო საზოგადოების წარმოჩენის ეროვნულ საქმეში ნაყოფიერი, ეფექტური და წარმატებული თანამშრომლობისათვის, საგანმანათლებლო ვებ-გვერდი etaloni.ge 2022-2024წწ. “ყველაზე წიგნიერის’’ კონკურსში “როგორ წავახალისოთ წიგნიერება’’ გამარჯვებული-ორგანიზატორი ბაკურ სულაკაურის გამომცემლობა 2020 წ; საქართველოს პედაგოგთა და მეცნიერთა თავისუფალი პროფკავშირის ოზურგეთის რაიონული ორგანიზაციის მადლობა ნაყოფიერი პროფესიული საქმიანობისთვის; ოზურგეთის მუნიციპალიტეტის დვაბზუს საჯარო სკოლის დირექციის მადლობა რეფორმის წარმატებული საქმიანობისთვის 2023წწ.
სკოლაში (მოსწავლეებთან, მშობლებთან, მასწავლებლებთან) ვამყარებ პოზიტიურ კომუნიკაციას, კეთილგანწყობილ და თანამშრომლობაზე დაფუძნებულ ურთიერთობებს.
კლასში მაქვს უსაფრთხო, ჯანსაღი და მასტიმულირებელი, ურთიერთპატივისცემისა და ურთიერთგაგების თანამშრომლობის ხელშემწყობი პოზიტიური სასწავლო გარემო შეფასებისას ვიყენებ: განმავითარებელ და განმსაზღვრელ შეფასებას, ვაწარმოებ მოსწავლეთა დაკვირვების დღიურს.
კითხვაზე, როგორ განიხილავს მოსწავლის შეცდომას, მეტად ფაქიზად პასუხობს:
_ მოსწავლის შეცდომას განვიხილავ, როგორც სწავლისა და განვითარების შესაძლებლობას. განვამტკიცებ მოსწავლის განვითარებაზე ორიენტირებულ ქცევებს, წახალისებით. ის მოსწავლეთა მოტივაციას ზრდის. გაკვეთილის მრავალფეროვნებით, ვატარებს პროექტ-გაკვეთილებს, ვიყენებ ცოდნის ტრანსფერის მეთოდს, მოსწავლეებს ვაძლევს საშუალებას, თამამად გამოთქვან საკუთარი აზრი. ამისთვის აქვთ ღია სივრცე. ნამდვილად არავის ეშინია აზრის გამოთქმის! აქვთ “წინადადებების ყუთი’’. ასეთ სასწავლო გარემოში მოსწავლეებს უმაღლდებათ შინაგანი და გარეგანი მოტივაცია. ეხმარება მოსწავლეებს, იგრძნონ საკუთარი წინსვლა და პროგრესი, _ ამბობს ის.
უმთავრესი საიდუმლო კი, რაც მისი მარად ინოვაციურ მიდგომებშია, არის მისივე მუდამ დაუოკებელი სურვილი, ყოველდღიურდ აიმაღლოს პროფესიული დონე და დროს არათუ ჩამორჩეს, არამედ გაასწროს! ეს ყველაფერი კი მას მარად ახალგაზრდა შემოქმედი პედაგოგის დონეზე ტოვებს.
_საოცარი მასწავლებელია. ჩვენი სკოლის მშვენება, ბურჯი და დასაყრდენი. კეთილსინდისიერება დაპასუხისმგებლობა თითქიოს მისგან იშვა, ისეთი და იმდენი გააჩნია! მისი ჯილდოები არ დაითვლება! მუდამ სიახლის ძიებაშია! გაგაკვირვებს, დამწყებ ახალგაზრდა პედაგოგს არ ექნება ასეთი მოტივაცია, ინტერესი, სურვილი და წყურვილი. უამრავი საუკეთესო მასწავლებელი ჰყავს რაიონს, ქვეყანას, თუმცა ნათელა ღლონტი მაგალითია იმისა, თუ როგორ უნდა იყო მარად განახლებული ენერგიით, მოძრავი, სულ მაძიებელი და ამ ყველაფრის მოსწავლეებამდე მიმტანი. არ არსებობს, მოსწავლის კითხვას დაემალოს! სასწაულს იზამს და ასეთივე პასუხს გასცემს! ესაა მასწავლებლობა! ქალბატონ ნათელას ქებათა ქება ეკუთვნის, ნამდვილად! მიხარია, რომ მასზე სტატიას წერთ. ძალიან თავმდაბალია, მორიდებულიც, _ ასე საუბრობს ქალბატონ ნათელაზე დვაბზუს საჯარო სკოლის დირექტორის მოადგილე სასწავლო-აღმზრდელობითი მიმართულებით, მზია დათუნაშვილი.
მანვე გვითხრა, რომ 2023 წელს, დვაბზუს საჯარო სკოლის პედაგოგიურმა კოლექტივმა, ერთხმად მიიღო გადაწყვეტილება _ განათლების სისტემის განვითარებაში შეტანილი განსაკუთრებული წვლილისთვის ქართული ენისა და ლიტერატურის ღვაწლმოსილი მასწავლებელი წარედგინა ეროვნული პრემიის მისაღებად გამოცხადებულ კონკურსში, სადაც გამარჯვება არა, მაგრამ ხალხის სითბო და სიყვარული მოიპოვა.
_ ჩემთვის ესაა მთავარი და მაძლიერებს. მე მიყვარს ჩემი პროფესია და ვცდილობ, ენერგია არ დავზოგო, ვიყო ყოველთვის ახალი მოთხოვნების თანაზიარი თანამედროვე მასწავლებელი, რისთვისაც მიუხედავად ჩემი ასაკისა, ყველაფერს ვაკეთებ, _ გვეუბნება ის საუბრის დასასრულს.
ჯანმრთელობას, დიდხანს სიცოცხლეს და კვლავ შემართებით მოღვაწეობას ვუსურვებთ ქალბატონ ნათელა ღლონტს _ სამაგალითო სახეს, თუ როგორი უნდა იყოს თანამედროვე მასწავლებელი!
ავტორი
