„ყველამ ვიცით, რომ სიცოცხლის უფლება იყო ის უფლება, რომელიც წინა ხელისუფლებას აბსოლუტურად ჰქონდა იგნორირებული და სტრასბურგის სასამართლოს გადაწყვეტილება, როგორც რიგ სხვა შემთხვევებშიც, იყო და არის კიდევ ერთი დასტური, რომ 2012 წლამდე, ხელისუფლება სიცოცხლის უფლებას საერთოდ არ ცნობდა. მოლოდინი იყო, რომ გუშინ სტრასბურგის სასამართლო კიდევ ერთხელ გამოიტანდა ასეთ გადაწყვეტილებას”, – ასე ეხმაურება საქართველოს პარლამენტის თავმჯდომარის მოადგილე, საპარლამენტო უმრავლესობის ლიდერი, მამუკა მდინარაძე სტრასბურგის სასამართლოს მიერ ე.წ. „ციხის ბუნტის” საქმეზე გამოტანილ გადაწყვეტილებას.
