მეცნიერებმა „ლაბორატორიული“ თირკმელი შექმნეს

 ამერიკელმა მეცნიერებმა ლაბორატორიაში ხელოვნურად გაზრდილი თირკმელის შექმნა შეძლეს.

მეცნიერების თქმით, ჯერჯერობით ხელოვნური თირკმელის ეფექტურობა ბუნებრივი თირკმელის 23%-ს აღწევს. თუმცა, ლაბორატორიულ ვირთხაში ხელოვნური თირკმელის გადანერგვის შემდეგ ეფექტურობა 5%-მდე დაეცა. მეცნიერების თქმით, ეს მაჩვენებელი ამ ეტაპზე სრულიად საკმარისია. მათვე თქმით, ეფექტურობის 15-20%-ი საკმარისია რათა თირკმელმა თავისი ფუნქცია შეასრულოს.

ამერიკელი მეცნიერების თქმით, თუ მოხერხდა უფრო ეფექტური თირკმელის გამოზრდა, მაშინ მსოფლიო მედიცინაში ეს ნამდვილი გადატრიალება იქნება. მათი თქმით, ისინი ახალი თირკმელის გამოზრდას ყოველი ადამინისთვის ინდივიდუალურად მოახდენენ. მეცნიერების თქმით, ახალი თირკმელი ძველი თირკმელის უჯრედების გამოყენებით იზრდება, შესაბამისად ორგანიზმი მას უცხო სხეულად არ აღიქვამს და ადვილად იღებს.

მეცნიერები ასევე აღნიშნავენ, რომ ჯერ-ჯერობით კვლევა ადრეულ ეტაპზე იმყოფება და ადამიანებზე ექსპერიმენტის ჩატარება არ იგეგმება. თუმცა, მათი თქმით, ლაბორატორიაშ გამოზრდილი ორგანოების ადამიანებისთვის გადანერგვა არც ისე შორი მომავლის პერსპექტივაა.