“მოვითხოვ, სამუდამო მიუსაჯონ”- ქმრის მიერ ავტობუსში მოკლული ქალის დედა

“მაქვს ინფორმაცია,რომ ცდილობენ მენტალური პრობლემების მქონედ გამოაცხადონ და გაათავისუფლონ” ,– ამის შესახებ ქმრის მიერ ავტობუსში მოკლული ახალგაზრდა ქალის, სოფო კვარაცხელიას დედა საუბრობს. ეს ოჯახის პირველი საჯარო განცხადება 2022 წლის 21 მაისს მომხდარის შემდეგ.

“მოვითხოვ იმას, რომ უკმაცრესად დაისაჯოს. ანუ, სამუდამო უნდა მისცენ იმ ადამიანს, რომელმაც პროვოცირება მოახდინა ძალიან ბევრ ადამიანზე. ჩემი შვილის შემდეგ, უკვე მემგონი 9 თუ 10 მკვლელობა მოხდა, ისევ და ისევ ქმრებისგან მოკლულ ცოლებზე მაქვს აქცენტი. მე ვიცი, რომ ჩემს შვილს, ამით, რომ მას მიუსაჯონ სამუდამო თუ 20 წელი, არაფერი ეშველება, მაგრამ მე მინდა გავუფრთხილდე სხვისი შვილების სიცოცხლეს. მე მაქვს ეს ინფორმაცია, რომ მისთვის ცდილობენ, რომ ისეთი საბუთი გაუკეთონ, რომ აქვს მენტალური ჯანმრთელობის პრობლემები, რის გამოც, ის შეიძლება ფსიქიატრიული საავადმყოფოდან  განთავისუფლდეს”, – ამბობს მოკლული ქალის დედა.