საქართველოს “მუნიციპალიტეტების ინდექსის” მიხედვით, ოზურგეთის და ჩოხატაურის შედეგები ცნობილია. კვლევას “ახალი ეკონომიკური სკოლა- საქართველო” აქვეყნებს.
კვლევა ეყრდნობა წლიურ სტატისტიკურ მონაცემებს, რომელთა მოძიებას და კონსოლიდაციას ახდენს თითოეული მუნიციპალიტეტის შესაბამისი სამსახური და ემყარება ოფიციალურ წყაროებს მუნიციპალიტეტებიდან, საქართველოს სტატისტიკის ეროვნული სამსახურიდან და საკანონმდებლო მონაცემებს მუნიციპალიტეტების საკრებულოებიდან დასაქართველოს საკანონმდებლო მაცნედან.
2023 წლის კვლევა – ეყრდნობა 2022 წლის მაჩვენებლებს.
“2023 წელს ოზურგეთის თვითმმართველი თემის მუნიციპალიტეტის შედეგი კვლევაში, განაპირობა ინფორმაციის მოწოდების საშუალოზე მაღალმა ხარისხმა – 78.66%. თუმცა მუნიციპალიტეტმა კვლევის ძირითად კითხვარი 2022 წ. 98.78%-ით შევსება შეძლო, რაც მუნიციპალიტეტისთვის არის მნიშვნელოვნად გაუარესებული შედეგი. 2023 წლის კვლევაში მუნიციპალიტეტის ეფექტიანობა 54.10 პუნქტია, 2022 წ. – 66.88 იყო. მუნიციპალიტეტის მიერ მეწარმეობისთვის შექმნილი გარემო 21.93 პუნქტით შეფასდა, 2022 წ. – 48.07 იყო. ხოლო მუნიციპალიტეტის მიერ საკუთარი მოსახლეობის საცხოვრებელი გარემოს უზრუნველყოფა მხოლო 42.99 პუნქტით შეფასდა, 2022 წ. იგივე 43.96 იყო. აღნიშნული მაჩვენებლები აჩვენებს რომ მუნიციპალიტეტის მუშაობის გაუმჯობესების არეალი ძალიან მაღალია, მუნიციპალიტეტს მოეთხოვება მოსახლეობის საცხოვრებელი გარემოს გაუმჯობესებაზე აქტიურად იმუშაოს, განსაკუთრებით, აღსანიშნავია ის ფაქტი, რომ მუნიციპალიტეტის მაჩვენებლები 2 სფეროში მცირედით გაუარესებულია. მუნიციპალიტეტის მაჩვენებლები საშუალო და საშუალოზე დაბალი მაჩვენებლების არეალშია, რაც გაუმჯობესების დიდ შესაძლებლობაზე და მიმართულებებზე უფრო მიანიშნებს, ვიდრე მუნიციპალიტეტის გამართულად მუშაობაზე, განსაკუთრებით ეს ეხება ისეთ კატეგორიების როგორებიც არის ინფრასტრუქტურა და გარემო, ჯანდაცვა, განთლება, რომელთა მაჩვენებლებიც საშუალოსთან ახლოს არის, საშუალოსთან შედარებით ყველაზე დაბალია პირობები ინვესტორებისთვის და ჯანდაცვა ეს კი აჩვენებს, თუ რა მიმართულებებს უნდა მიანიჭოს პრიორიტეტი მუნიციპალიტეტმა”,_ ნათქვამია კვლევაში ოზურგეთის შესახებ.
ინფორმაციისთვის, კვლევაში წელს პირველად მონაწილეობდა ჩოხატაური. როგორც კვლევაში წერია მიწოდებული ინფორმაციის დინამიკით ჩოხატაურის შეფასებაა 95.
კვლევის მიხედვით, მუნიციპალიტეტის ეფექტიანობა 58.66 , კომუნალური მომსახურება 57.95, ტრანსპორტი- 51.85, მუნიციპალიტეტი მეწარმეობისთვის – 50.09, განათლება – 48. 14, სოციალური უზრუნველყოფა – 48.66, მუნიციპალიტეტი მოსახლეობისთვის -44. 59, ჯანდაცვა – 36.05, პირობები ინვესტორებისთვის – 28. 41, ინფრასტრუქტურა და გარემო – 24.90 პუნქტით ფასდება.
როგორც ცნობილია, კლევის ფარგლებში მუნიციპალიტეტებს გადაეცათ კვლევაში მონაწილეობის დამადასტურებელი სერთიფიკატები.
ცნიბისთვის, მუნიციპალიტეტების ინდექსის კვლევა საქართველოში 2015 წლიდან ტარდება.
