ფონიჭალაში დაკავებული ფ.ჰ. სამართალდამცველებმა სახლიდან დროებითი მოთავსების იზოლატორში გადაიყვანეს.
დაკავებული სახლიდან შეძახილებით: „ნარკოტიკები ჩამიდეს“ გამოიყვანეს.
პოლიციის მხრიდან ნარკოტიკის ჩადებაზე საუბრობს ფ.ჰ-ს მეუღლეც, რომელიც ჩხრეკისას სახლში იმყოფებოდა. მისი ინფორმაციით, მან დაინახა, როგორ ჩაუდეს მის მეუღლეს ნარკოტიკი. მისივე თქმით, პოლიციამ სახლში ყოფნისას ყველაფერი გაჩხრიკა და როდესაც ვერაფერი იპოვეს, მერე ჩაუდეს ნარკოტიკი.
ცნობისთვის, ქვემო ფონიჭალაში დღეს კიდევ ერთი სპეცოპერაცია ჩატარდა. შედეგად ერთი ადამიანი დააკავეს.
შსს-ს განმარტებით, დაკავებულია ნარკორეალიზატორი.
ფონიჭალაში ბოლო რამდენიმე დღის განმავლობაში ჩატარებული სპეცოპერაციების შედეგად, პოლიციამ ნარკორეალიზაციის ბრალდებით სულ 5 ადამიანი დააკავა. სამართალდამცველებმა ასევე ერთი სპეცოპერაცია თბილისის გასასვლელში ჩაატარეს, რომლის დროსაც ნარკოტიკების რეალიზაციის ბრალდებით ერთი პირი აიყვანეს.
