ნიკოლოზ ბარათაშვილის საიუბილეო თარიღი – დაბადებიდან 200 წლისთავი „იუნესკომ“ 2017 წლის საერთაშორისო მნიშვნელობის კულტურული მოვლენების ნუსხაში შეიტანა. ამის შესახებ ინფორმაციას 1tv ავრცელებს.
ამ თარიღთან დაკავშირებით გიორგი ლეონიძის სახელობის ქართული ლიტერატურის სახელმწიფო მუზეუმმა გამოსცა მისი პოეზიის ხუთენოვანი კრებული. წიგნი დაიბეჭდა საქართველოს კულტურისა და ძეგლთა დაცვის სამინისტროს მხარდაჭერით.
ლექსები გამოცემულია ქართულ, ინგლისურ, რუსულ, გერმანულ და ფრანგულ ენებზე. წიგნი გაყიდვაში რამდენიმე დღის წინ ჩაეშვა.
