ევროკავშირის სადამკვირვებლო მისია საქართველოში ატოცში მიმდინარე მოვლენებთან დაკავშირებით განცხადებას ავრცელებს.
როგორც სადამკვირვებლო მისიის მიერ გავრცელებულ განცხადებაშია ნათქვამი, ატოცში, სამხრეთ ოსეთთან ადმინისტრაციულ საზღვართან 400 მეტრიანი ახალი ღობის გასაკეთებლად სამუშაოები მიმდინარეობს.
„ევროკავშირის სადამკვირვებლო მისია ყურადღებით აკვირდება ისეთ სასაზღვრო საქმიანობას, რომელიც გავლენას ახდენს ადამიანის უფლებების სფეროზე.
ასეთი ინფრასტრუქტურა ზღუდავს თავისუფალ მოძრაობას და ორივე მხარის ადგილობრივ მოსახლეობას დამატებით დაბრკოლებებს უქმნის.
სადამკვირვებლო მისია მოუწოდებს უსაფრთხოების აქტორებს თავი შეიკავონ დაძაბულობის გამზრდელი ნაბიჯების გადადგმისგან“,_წერია განცხადებაში.
განცხადებაში აღნიშნულია ისიც, რომ გასული დღეების განმავლობაში ევროკავშირის სადამკვირვებლო მისიამ ინფორმაციის მოსაპოვებლად ცხელი ხაზი აამოქმედა და პროცესს 24 საათიან რეჟიმში დააკვირდება.
ევროკავშირის სადამკვირვებლო მისია საქართველოში ასევე აღნიშნავს, რომ ატოცში არსებული ვითარება ხაზს უსვამს „ინციდენტების პრევენციისა და მათზე რეაგირების მექანიზმის“ (IPRM) ფარგლებში შეხვედრების განახლების მნიშვნელობას.
ცნობისთვის, ატოცში უკანონო ბორდერიზაციის პროცესი რამდენიმე დღეა მიმდინარეობს.
როგორც საქართველოს ხელისუფლებაში აცხადებენ, პროცესის შესაჩერებლად ყველა ბერკეტს გამოიყენებენ.
„ორივე მხარის მოსახლეობას დაბრკოლებებს უქმნის“_ EUMM ატოცში უკანონო ბორდერიზაციაზე
ევროკავშირის სადამკვირვებლო მისია საქართველოში ატოცში მიმდინარე მოვლენებთან დაკავშირებით განცხადებას ავრცელებს.
როგორც სადამკვირვებლო მისიის მიერ გავრცელებულ განცხადებაშია ნათქვამი, ატოცში, სამხრეთ ოსეთთან ადმინისტრაციულ საზღვართან 400 მეტრიანი ახალი ღობის გასაკეთებლად სამუშაოები მიმდინარეობს.
„ევროკავშირის სადამკვირვებლო მისია ყურადღებით აკვირდება ისეთ სასაზღვრო საქმიანობას, რომელიც გავლენას ახდენს ადამიანის უფლებების სფეროზე.
ასეთი ინფრასტრუქტურა ზღუდავს თავისუფალ მოძრაობას და ორივე მხარის ადგილობრივ მოსახლეობას დამატებით დაბრკოლებებს უქმნის.
სადამკვირვებლო მისია მოუწოდებს უსაფრთხოების აქტორებს თავი შეიკავონ დაძაბულობის გამზრდელი ნაბიჯების გადადგმისგან“,_წერია განცხადებაში.
განცხადებაში აღნიშნულია ისიც, რომ გასული დღეების განმავლობაში ევროკავშირის სადამკვირვებლო მისიამ ინფორმაციის მოსაპოვებლად ცხელი ხაზი აამოქმედა და პროცესს 24 საათიან რეჟიმში დააკვირდება.
ევროკავშირის სადამკვირვებლო მისია საქართველოში ასევე აღნიშნავს, რომ ატოცში არსებული ვითარება ხაზს უსვამს „ინციდენტების პრევენციისა და მათზე რეაგირების მექანიზმის“ (IPRM) ფარგლებში შეხვედრების განახლების მნიშვნელობას.
ცნობისთვის, ატოცში უკანონო ბორდერიზაციის პროცესი რამდენიმე დღეა მიმდინარეობს.
როგორც საქართველოს ხელისუფლებაში აცხადებენ, პროცესის შესაჩერებლად ყველა ბერკეტს გამოიყენებენ.
