“პოლიტიკური კრიზისი რუსული სურნელით“ – ამ სათაურით, ცნობილი ფრანგული გაზეთი LE FIGARO სტატიას აქვეყნებს, სადაც სტატიის ავტორი წერს, რომ ახლა საქართველოში განვითრებული მოვლენები პოლიტიკური კრიზისის ნაწილია, რომელშიც რუსეთი 2019 წლიდან მონაწილეობს.
შინაარსი: პრემიერ-მინისტრი გიორგი გახარია გადადგა თანამდებობიდან, რომელიც მმართველ გუნდს ხელმძღვანელობდა. ახალი ეპიზოდი, იმ პოლიტიკური კრიზისის ნაწილია, რომელშიც რუსეთი 2019 წლიდან მონაწილეობდა.
რუსეთმა დიდი ხანია დაკარგა 3,7 მილიონი ქართველის გული. მაგრამ ახალი კრიზისი, რომელმაც შეძრა ეს კავკასიური ქვეყანა 2021 წლის დასაწყისში, მხოლოდ ახალი ეპიზოდია და 2019 წლის 20 ივნისს იღებს სათავეს მას შემდეგ, რაც რუსეთის კომუნისტი დეპუტატი სერგეი გავრილოვი დაჯდა საქართველოს ეროვნული პარლამენტის თავმჯდომარის სავარძელში; გავრილოვი მაშინ მართლმადიდებელი ქვეყნების საერთაშორისო საპარლამენტო ასამბლეის სხდომას ხსნიდა და ბუნებრივია, სავარძელზეც დაჯდა. ამან საპროტესტო აქციები გამოიწვია საქართველოში, რადგან მიაჩნიათ, რომ რუსეთმა ქვეყნის ტერიტორიის 20% “დაიკავა” აფხაზეთისა და სამხრეთ ოსეთის სეპარატისტული რეგიონების არსებობით და მხარდაჭერით.
2019 წელს საქართველოს პარლამენტის სპიკერს თანამდებობიდან გადადგომა მოუხდა, მას შემდეგ რაც ნახა, რომ რუსი დეპუტატი მის სავარძელში იჯდა. ამჯერად, პრემიერ-მინისტრი გიორგი გახარია გადადგა. იგი აცხადებს, რომ არ ეთანხმება მმართველი გუნდის დანარჩენ წევრებს, რადგან თვლის, რომ მთავარი ოპოზიციური პარტიის (ყოფილი პრეზიდენტის მიხეილ სააკაშვილის “ერთიანი ნაციონალური მოძრაობის“) ლიდერის _ ნიკა მელიას საპარლამენტო იმუნიტეტის მოხსნის გადაწყვეტილებამ შეიძლება გამოიწვიოს ქვეყნისთვის სარისკო დაძაბულობის ზრდა.
16 თებერვალს, 1990 წელს, გასული საუკუნის რუსეთში ბედნაპოვნი ოლიგარქის ბიძინა ივანიშვილის პარტია „ქართული ოცნების“ მიერ კონტროლირებულმა პარლამენტმა ნიკა მელიას იმუნიტეტი მოუხსნა და ხმის მიცემით, ოთხშაბათს, თბილისის სასამართლოს გადაწყვეტილებას გაუხსნა ხელი, რომ ოპოზიციის ლიდერის პრევენციული პატიმრობა შეფარდებოდა. ნიკა მელიას ადანაშაულებენ იმაში, რომ მან, რამდენიმე თვის წინ, ელექტრონული სამაჯური მოხსნის გამო დაწესებული გირაო არ გადაიხადა. ეს საქმე სათავეს იღებს 2019 წლის 20-21 ივნისის ღამეს, როდესაც ნიკა მელიამ, ასობით დემონსტრანტის შემოკრებით, პარლამენტში შეჭრა სცადა.
ბოლო დღეებში ბატონმა გავრილოვმა ცეცხლზე ნავთი დაასხა და შეაქო მმართველი პარტია, რომელიც, მისი თქმით, ყველაფერს აკეთებს ქვეყანაში გადატრიალებების, რეპრესიებისა და დიქტატურის აღსაკვეთად. ამის შემდეგ, ყველა ოპოზიციურმა პარტიამ სამართლიან თამაშად ჩათვალა ნიკა მელიას ამოდგომოდა მოსკოვის ბრძანებით ქართული სამართლიანობის დენონსაციაში. მითუმეტეს, რომ ბოლო წლების განმავლობაში სამართლიანობა ხშირად პოლიტიზირებულია.
ეს ახალი პოლიტიკური კრიზისი სამხრეთ კავკასიაში არსებულ დაძაბულ კონტექსტში ეწერება. რუსეთმა გააძლიერა თავისი ძალაუფლება უფრო მეტად, ვიდრე ოდესმე, გასული წლის ოქტომბერში და ნოემბერში მთიან ყარაბაღში სომხეთსა და აზერბაიჯანს შორის ომის დროს. ამ კონფლიქტმა საშუალება მისცა თურქეთის პრეზიდენტ ერდოღანს, კიდევ ერთ ავტორიტარულ მეზობელს, რომ მინიმუმ, განემტკიცებინა თავი ამ რეგიონში. ამავე დროს, 31 ოქტომბრის საქართველოს საპარლამენტო არჩევნებმა პოლიტიკური კრიზისი გამოიწვია. “ქართული ოცნების“ გამარჯვება იმდენად სადავო იყო, რომ არც ერთი ოპოზიციური პარტია არ დათანხმდა პარლამენტში ჯდომას.
ამ ხუთშაბათს, “ქართულმა ოცნებამ” ირაკლი ღარიბაშვილი მთავრობის მეთაურად დანიშნა. ამ 38 წლის ფრანკოფონს, ეს თანამდებობა უკვე ეკავა 2013 წლიდან 2015 წლამდე და ცუდი მოგონებები დატოვა. ”მას არ აქვს წონა, ის, უბრალოდ, ივანიშვილის ფაქტორია”, _ თქვა დასავლელმა დიპლომატმა, რომელიც იცნობს ქართული პოლიტიკის საიდუმლოებებს“.
