ოზურგეთის მუნიციპალიტეტის ყოფილი მერი, კონსტანტინე შარაშენიძე, თავის მხარდამჭერთა ჯგუფის სახელით, სოციალურ ქსელში ასეთ პოსტს აქვეყნებს:
„მეგობრებთან ერთად, მზად ვარ საკუთარ სახლში და სხვადასხვა სასტუმროში ვუმასპინძლო 50 უკრაინელ ბავშვს, ჩვენი მოძმე გენიჩესკიდან!
ახლახანს ვესაუბრე გენიჩესკის მოქმედ და ყოფილ მერებს. შევთანხმდით, რომ უკრაინელ ბავშვებს საზღვაო გზით, აჭარიდან შემოვიყვანთ და მაქსიმალურად უზრუნველვყოფთ, სანამ უკრაინაში მშვიდობა არ დამყარდება!
მოგეხსენებათ, ოზურგეთი და გენიჩესკი დაძმობილებული ქალაქებია და ერთმანეთის გვერდში დგომის 80 წლიანი ისტორია გვაქვს. ისტორია, რომელიც 1938 წელს, სოფელ შრომიდან დაიწყო და მეორე მსოფლიო ომის დროს კიდევ უფრო განმტკიცდა.
როცა ხერსონის ოლქში, ქალაქ გენიჩესკს გერმანელებმა ალყა შემოარტყეს, შრომის მცხოვრებლებმა ერთ დღეში შეკრიბეს სატანკო კოლონის შესაძენი თანხა და გენიჩესკელებს გაუგზავნეს.
გენიჩესკის მისადგომებთან გმირულად იბრძოდა ათეულობით ოზურგეთელი, რომლებმაც, საბოლოოდ, სწორი სტრატეგიით და მოხერხებულობით გერმანელების დამარცხება შეძლეს, განსაკუთრებით, ოზურგეთელი სერგო ჩხაიძის დამსახურებით.
შრომაში, საკუთარ სახლებში იფარებდნენ ომში დაჭრილ ჯარისკაცებს და მზრუნველობას არ აკლებდნენ.
სამწუხაროდ, უკრაინა ისევ განსაცდელშია. მზად ვარ მთელი ჩემი რესურსით გვერდით დავუდგე უკრაინელებს!
დიდება, მშვიდობა და გამძლეობა ჩვენს მოძმე უკრაინას! “-ნათქვაია განცხადებაში.
კოტე შარაშენიძემ „გურია ნიუსთან“ თქვა, რომ ასეთ დროს ყველა ერთად უნდა დადგეს, რადგან აგრესორს რა მადაც აქვს უკრაინის მიმართ, იგივე აქვს საქართველოს მიმართაც:
._ახლა მე და ჩემი მეგობრები ტექნიკურ საკითხებს ვალაგებთ, როგორ ვომოქმედოთ. 1988 წლის შემდეგ , ჩვენს ძმობილ ქალაქთან კონტაქტი შეჩერებული იყო. ძმობის განახლება 2019 წელს მოვახერხეთ. ერთი ინიციატორი მე გახლდით. ყველას ახსოვს, მაშინ ოზურგეთში უკრაინელთა დელეგაცია ჩამოვიდა. დაიდო ხელშეკრულება. გვქონდა სამომავლო გეგმებიც. თუმცა მერე იყო პანდემია, რამაც შეაფერხა დაგეგმილი ღონისძიებების გახორციელბა. დღეს უკრაინა განსაცდელშია. ასეთ დროს ყველა ერთად უნადავდგეთ და დავეხმაროთ მოძმე ქვეყანას. დიდება და გამარჯვეა უკრაინას!- თქვა შარაშენიძემ „გურია ნიუსთან“.
