რა აფერხებს სიბერეს

ზაფხულის პერიოდი დასვენებისათვის იდეალური დროა. არავითარ შემთხვევაში უთხრათ თავს უარი ზაფხულის არდადეგებზე. კარგია, თუ შრომისმოყვარე ხართ, მაგრამ ამის გამო დასვენებაზე უარი არ თქვათ. ექიმები შრომისმოყვარეობის უმაღლეს ფორმას ფსიქოისტენიას მიაკუთვნებენ, რომლისთვისაც დამახასიათებელია შემდეგი სიმპტომები: ძალიან დიდი დროს გატარება სამსახურში, რეგულარულად გადაღლილობის შეგრძნება, ემოციური ლაბილურობა და დასვენების სურვილის არქონა. ამ ტიპის ადამიანებისათვის სამსახური ის ადგილია, სადაც ცხოვრების უმეტეს დროს ატარებენ. თუ თქვენ ამ ადამიანთა კატეგორიას მიეკუთვნებით, მაშინ ქვემოთ მოცემული ოთხი რჩევა დაგეხმარებათ, რომ ორგანიზმს ენერგიისა და ძალის მომარაგება–აღდგენაში დაეხმაროთ:

1. შრომისმოყვარეობის ასეთ ფორმას კარგი არაფერი მოაქვს. პირველ რიგში, იმიტომ, რომ დასვენებისა და განტვირთვის გარეშე ორგანიზმში დიდი რაოდენობით გროვდება მავნე ტოქსინები, რომლებიც ბევრი დაავადების პროვოცირებას ახდენს. ტვინის არაეფექტური მუშაობა ადამიანს აიძულებს, დაიძაბოს, მუდმივად იმაზე მეტი აკეთოს, ვიდრე მის შესაძლებლობებში შედის და ეს იმიტომ, რომ საუკეთესო მუშაკი იყოს. თუ სწორედ ასეთი რეჟიმით და პრინციპებით ცხოვრობთ, მაშინ დროა, სერიოზული ცვლილებები შეიტანოთ და შრომისა და დასვენების რეჟიმი გონივრულად დაგეგმოთ.
2. ექიმები თვლიან, რომ დასაძინებლად ყველაზე სასურველი დრო საღამოს 10-11 საათია, ხოლო დილით ასადგომად – 5–6 საათი. თუ მუდმივად გამოუძინებლობის პრობლემა გაწუხებთ, ამისათვის იდეალურია ადრე დაძინება და ადრე გაღვიძება. მეცნიერებმა დადგინეს, რომ ტოროლები უფრო ჯანმრთელები არიან, ვიდრე ბუები. ამ უკანასკნელებში 1,5%–ით მეტია გულ–სისხლძარღვთა დაავადებების რისკიც. არსებობს მოსაზრება, რომ მელატონინი სიბერისა და მხნეობის წამალი გახლავთ და ყველაზე მეტი რაოდენობით მას ორგანიზმი დილით, ადრე გამოიმუშავებს.
3. ტყუილად კი არ ამბობენ, რომ ცხოვრებაში მრვალფეროვნება აუცილებელია. ეს სამსახურსაც ეხება. მუდმივად ეცადეთ, რაც უნდა საინტერესო საქმით იყოთ დაკავებული, მცირე ხნით მაინც გამონახოთ დასვენებისთვის დრო. გონებრივი სამუშაოს შესრულების შემთხვევაში უმჯობესია, განტვირთვისა და დასვენებისათვის გამოყოფილი წუთები ფიზიკური დატვირთვისთვის გამოიყენოთ. მაგალითად, გაისეირნეთ ოფისის დერეფანში ან შესთავაზეთ კოლეგებს, მცირე ხნით განიტვირთოთ და ერთად მსუბუქად ივარჯიშოთ.
4. თუ აშკარად გრძნობთ, რომ ძალა და ენერგია გამოგეცალათ, ნუ ეცდებით მის აღდგენას უზარმაზარი დოზის კოფეინით, ეს გამოსავალი ნამდვილად არ არის. ჯობია, სხეული მოადუნოთ და მშვიდად, რიტმულად ისუნთქოთ. ასეთი 10–20 წუთიანი დასვენება იმდენად ეფექტურია, რომ თავადაც გაგიკვირდებათ. თავისუფალ დროს ეცადეთ, სუფთა ჰაერზე გახვიდეთ და მზის სხივების ენერგიით დაიმუხტოთ.