აშშ-ს ძილის ეროვნული ფონდის ინფორმაციით, ზრდასრულ ადამიანს 7-9 საათი ძილი ესაჭიროება დღეში. ჩვილებსა და ბავშვებს კი უფრო მეტი – 10-17 საათი დღეში.
ყველაზე „გამოუძინებელი“ ქალაქებია ტოკიო (საშუალოდ 5 საათი და 46 წუთი); სეული (5 საათი და 55 წუთი) და სინგაპური (6 საათი და 32 წუთი).
სინგაპურის ერთ-ერთი უნივერსიტეტის სტუდენტებმა გამოკითხეს 300 მშობელი და გაარკვიეს, რომ 6-9 წლის ბავშვების 37,5%-ს ძილის უკმარისობა აქვს.
ძილის უკმარისობა რეაქციების დაქვეითებას იწვევს. მაგალითად, 17-18 საათიანი უძილობა მძღოლებში რეაქციას ისევე აქვეითებს, როგორც სისხლში ალკოჰოლის 0,05%-იანი შემცველობა. ბევრ ქვეყანაში სისხლში ალკოჰოლის შემცველობის 0,05%-იანი მაჩვენებელი მანქანის ტარებისთვის ზედა ზღვარია. 28-საათიანი უძილობა კი მძღოლებში რეაქციას ისევე აქვეითებს, როგორც ალკოჰოლი სისხლში 0,1%-იანი შემცველობის დროს, რაც დასაშვებ ზღვარზე ორჯერ მეტია.
ძილის უკმარისობის რამდენიმე სიმპტომი:
– 7-8 საათიანი ძილის მიუხედავად, დაღლილობის და სისუტის შეგრძნება.
– შეხვედრებს ან რაიმე სახის შეკრებების დროს ჩაძინება.
– უცნაური შეგრძნება სახსრებში და საწოლში ან ჯდომისას მათი გამოძრავების სურვილის უეცარი გაჩენა.
– ხვრენა, ან უნებლიედ პარტნიორის საწოლიდან გადაგდება.
აშშ-ს მაიოს კლინიკის რჩევები თქვენი ძილის გამოსასწორებლად:
– დააწესეთ დაძინებისა და გაღვიძების მკაცრი რეჟიმი, როგორც სამუშაო, ასევე დასვენების დღეებში.
– არ შეიძლება არც მშიერზე და არც გამძღარზე დაძინება. მოერიდეთ კოფეინს, ნიკოტინს და ალკოჰოლს.
– შექმენით რიტუალი ძილის წინ. ეს შეიძლება იყოს აბაზანის მიღება, კითხვა, მუსიკის მოსმენა ან სხვა. მოერიდეთ ტელევიზორს და ტაბლეტებს ძილის წინ.
– მოერიდეთ ჩათვლემებს. ის ხელს უშლის ღამით ძილს.
– რეგულარულად ვარჯიში ხელს შეგიწყობთ უკეთ ძილში.
