რამდენს გიხდიან ისინი, რომ მათ დასაცავად სული გაყიდო? თმა შეიჭერი ირაკლი – ასე ეხმაურება Twitter – ზე აშშ-ს ყოფილი კონგრესმენი ადამ კინზინგერი “ქართული ოცნების” თავმჯდომარის, ირაკლი კობახიძის განცხადებას აშშ-ის ელჩ კელი დეგნანზე
,,რუსეთმა მოკლა თქვენი მოქალაქეები და ოკუპირებული აქვს თქვენი ქვეყნის 20%. რამდენს გიხდიან ისინი, რომ მათ დასაცავად სული გაყიდო? თმა შეიჭერი ირაკლი და შენს სულში ჩაიხედე. დახმარება გჭირდება,“ – წერს კიზინგერი.
აშშ-ის ელჩის, კელი დეგნანმა განაცხადა, რომ არავინ არ უნდა ელოდოს, რომ ქართველები რუსების შემოსვლას მიესალმებიან.
“ქართული ოცნების” თავმჯდომარე კი, მის განცხადებას გამოეხმაურა და განაცხადა, რომ ქართველიო ხახლის სახელით საუბარი ელჩის საქმე არ არის.
მისი თქმით, “ქართველი ხალხი ასე არ ფიქრობს”.
“ეს გაუგებარი განცხადება იყო, რბილად რომ ვთქვათ. ასე არავინ ფიქრობს, რაც თქვა კელი დეგნანმა, ასე არ ფიქრობენ საქართველოში საზოგადოების წარმომადგნელები, რომ არც ერთი რუსი არ უნდა შემოვიდეს საქართველოში, საზოგადოების უდიდესი უმრავლესობა არის სხვა აზრზე… და ქართველი ხალხის სახელით საუბარი არ არის არც ერთი ელჩის საქმე, მით უმეტეს, როცა აფასებ 150 ნაციონალის აქციას და ამას არქმევ ქართველი ხალხის პროტესტს, ეს ხომ გაუგებარია. იგივე თქვა სალომე ზურაბიშვილმა, იგივე თქვა ერთ-ერთმა ელჩმა, საზოგადოება შეაფასებს ამ ყველაფერს, ეს უბრალოდ არასწორია”, – თქვა კობახიძემ.
ავტორი
