როდესაც პრობლემებს ვერ წყვეტ, ვერ დაქოქე ეკონომიკა, ამ ფონზე რა თქმა უნდა, კარგია პრეზიდენტს დააბრალო შპიონაჟი და ტერორიზმის ხელშეწყობა, – ამის შესახებ საქართველოს პრეზიდენტმა გიორგი მარგველაშვილმა გორში, „დემოკრატიული ჩართულობის ცენტრში“, პარტიების წარმომადგენლებთან შეხვედრაზე განაცხადა.
როგორც პრეზიდენტმა აღნიშნა, მაქსიმალურად ცდილობს, რომ სიტყვა არ გაექცეს, იყოს ზრდილობიანი, დისკუსიებით არ დაღალოს ხალხი და მათ წინაშე არსებული პრობლემები გადაწყდეს.
”მაგრამ, როდესაც პრობლემას ვერ წყვეტ, როდესაც ვერ დაქოქე ეკონომიკა, როდესაც ახალი პროექტი ვერ შემოიტანე, ის პრობლემები, რასაც თქვენ ამბობთ, ეს ხომ მეც მეხება? ლაპარაკია იმაზე, რომ რეორგანიზაცია არის და შოკშია ყველა – ვის გაუშვებენ სამსახურიდან. ამ ფონზე, როდესაც ამ პრობლემებს ვერ წყვეტ, რა თქმა უნდა, კარგია პრეზიდენტს დააბრალო შპიონაჟი და ტერორიზმის ხელშეწყობა და ეს გახადო სამსჯელო თემა”, _ განაცხადა გიორგი მარგველაშვილმა.
პრეზიდენტის განცხადებით, ის მაქსიმალურად ცდილობს, იყოს ზრდილობიანი, დისკუსიებით არ დაღალოს ხალხი და მათ წინაშე არსებული პრობლემები გადაწყდეს
