ყველასთვის ცნობილია, რომ ბილწსიტყვაობა და გინება ითვლება აგრესიის გამოვლენად და ანტისოციალურ ქცევად საზოგადოების წინაშე. მაგრამ სულ სხვა დასკვნამდე მივიდა ჰოლანდიელი, ამერიკელი და ბრიტანელი მეცნიერთა ჯგუფი. ისინი ამტკიცებენ, რომ ბილწსიტყვაობისკენ მიდრეკილება არის ნიშანი… პატიოსნებისა.
მეცნიერებმა ორი ძირითადი ექსპერიმენტი ჩაატარეს.
პირველ კვლევაში 307 მოხალისე მონაწილეობდა. მათ შესთავაზეს ყოველგვარი შეზღუდვისა და სიმორცხვის გარეშე შეედგინათ იმ სიტყვების სია, რომელსაც ისინი ყოველდღიურ ცხოვრებაში იყენებენ(მეცნიერები ლოგიკურად ვარაუდობდნენ, რომ რაც უფრო აქტიურია პიროვნების ლექსიკა, მით უფრო ხშირად იყენებს “საქმეში”), შემდეგ კი ყველა მოხალისე სიცრუის დეტექტორზე შეაერთეს.
აღმოჩნდა, რომ ყველაზე “ვირტუოზი მგინებლები” უფრო პატიოსნები და გულწრფელები არიან. ამასთანავე მათ ანკეტაში აღნიშნეს, რომ იგინებიან არა იმიტომ, რომ ვინმეს აწყენინონ, არამედ იმიტომ, რომ გამოხატონ ის, რაც “სულში დაუგროვდათ”.
რაც შეეხება მეორე კვლევას: მეცნიერთა ჯგუფმა “ფეისბუქზე” შეისწავლა 73 789 პროფილი. აღმოჩნდა, რომ არსებობს მთელი რიგი გრამატიკული სტრუქტურები სტილისტური მონაცვლეობით, რომელიც მიუთითებს, რომ პირს მიდრეკილება აქვს სიცრუისკენ.
მაგალითად მატყუარები ცდილობენ არ გამოიყენენონ 1 პირის ნაცვალსახელები (მე, ჩვენ).
თავის მხრივ გულწრფელი ადამიანის გამოცნობა შეიძლება იმით, რომ ხშირად იყენებს ამბის მოყოლის დროს სიტყვებს: “გარდა”, “მაინც”, “თუმცა” “მაგრამ”, რომელიც ამყარებს ამბავს და ათავისუფლებს უფხო ღვარძლისგან, ხოლო მატყუარას არ უნდა არაფრის მითითება – ის ცრუობს დაუფიქრებლად. ის ძირითადად გამოხატავს უარყოფით გრძნობებს და ხშირად ხმარობს ისეთ სიტყვებს როგორიცაა: “შეშფოთებული”, “პრობლემური”, “აღელვებული”. ეს აიხსნება მატყუარას შიდა ემოციური მდგომარეობით, რადგან სიცრუე უკავშირდება მის შფოთვას და დანაშაულს.
ამ მეთოდიკით შეიქმა ლინგვისტური კომპიუტერული პროგრამა, რის მიხედვითაც შესაძლებელია “ფეისბუქზე” ცრუ პოსტების 80%-ის გამოცნობა.
