საქართველოს პარლამენტის თავმჯდომარის, ირაკლი კობახიძის განცხადებით, კონსტიტუციის ახალი მოდელის არცერთი რეგულაციიით ნაბიჯები უკან არ იდგმება.
ამის შესახებ საქართველოს ირაკლი კობახიძემ მედიასთან შეხვედრისას განაცხადა.
„ეს არის მმართველობის სისტემა, სადაც არის ძლიერი პარლამენტი, ქმედითი მთავრობა, დამოუკიდებელი სასამართლო, პარტიულად ნეიტრალური პრეზიდენტი და კონსოლიდირებული პარტიული სისტემა. ეს არის საერთო სულისკვეთება კონსტიტუციაში შესატანი ცვლილებების“, _ აღნიშნა კობახიძემ.
მისივე თქმით, „არ არის არცერთი რეგულაცია, სადაც უკან იდგმება ნაბიჯი“.
„ყველა რეგულაციასთან დაკავშირებით, თამამად შეიძლება ითქვას, რომ წინ იდგმება ნაბიჯი. გვაქვს მხოლოდ და მხოლოდ გაუმჯობესება არა მარტო ზოგადი სახით, არამედ, ცალკეულ რეგულაციასთან დაკავშირებითაც. ახალი სისტემა ეფუძნება არა მარტო ევროპულ გამოციდელას, არამედ, საუკეტესო ევროპულ პრაქტიკას“, _ აღნიშნა კობახიძემ.
გარდა ამისა, პარლამენტის თავმჯომარემ კონსტიტუციის ახალი მოდელის რამდენიმე მნიშვნელოვან ცვლილებაზე გაამახვილა ყურადღება და აღნიშნა, რომ რამდენიმე პრინციპი კონსტიტუციის პრეამბულაში იყო ჩაკარგული, რაც უხეშ წინააღმდეგობაში მოდიოდა სამართლებრივ პრინციპებთან.
„კონსტიტუციის პირველ თავში გვაქვს ძალიან მნიშვნელოვანი ცვლილებები, განსაკუთრებულ ყურადღებას გავამახვილებ იმ პრინციპებზე, რომელიც მანამდე ერთგვარად ჩაკარგული იყო კონსტიტუციის პრეამბულაში და ახლა თითოეულ მათგანს მკაფიოდ ეთმობა ცალკე მუხლი კონსტიტუციის პირველ თავში. ეს არის დემოკრატიის პრინციპი, სამართლებრივი სახელმწიფოს პრინციპი, სოციალური სახელმწიფო და ეკონომიკური თავისუფლება. ძალიან მკაფიო გარანტიებია ჩადებული თითოეულ ამ პრინციპთან მიმართებით მათ შორის, როცა საქმე ეხება დემოკრატიის პრინციპს ჩვენ გვახსოვს, რომ ძალიან არასწორი პრაქტიკა იყო ჩამოყალიბებული კონსტიტუციურ ორგანოების ვადებთან დაკავშირებით. ორჯერ მოხდა ისე, რომ დაახლოებით ერთი წლით გაუხანგრძლივა წინა ხელისუფლებამ ვადა ჯერ პარლამენტს, შემდეგ კი პრეზიდენტს უფლებამოსილების ვადა. რაც არის უხეშ წინააღმდეგობაში სამართლებრივ პრინციპებთან. ახლა იდება კონსტიტუციაში ნორმა, რომელიც ამას აბსოლუტური ფორმით კრძალავს.
სოციალურ სახელმწიფოს რაც შეეხევა ამაზე მინდა განსაკუთრებული ყურადღების გამახვილება. არასწორი ინტერპრეტაცია მიეცა ამ პრინციპს, რომელსაც აქვს ძალიან მკაფიო და კონცეპტაულური დატვირთვა. ბრალიც კი დაგვდეს იმაში, რომ თითქოს ვაყალიბებთ სოციალისტურ საქართველოს. რაც არანაირ კავშირში არ არის, სოციალიტური სახელმწიფოს პრინციპთან, რომელიც იდეოლოგიურად აბსოლუტურად ნეიტრალური პრინციპია.
თავისთავად მნიშვნელოვანი იყო ის, რომ სოციალური პასუხისმგებლობა ადამიანების მიმართ სახელმწიფოს მხრიდან მკაფიოდ არის გაწერილი ახალ რედაქციაში და ეს ყველაფერი ბუნებრივია, აისახება შესაბამის პრაქტიკაზეც“, _ აღნიშნა კობახიძემ და დასძინა, რომ კონსტიტუციის პირველ თავთან მიმართებაში კომისიაში სრული კონსესუსი იყო.
ბოლო კენჭისყრაზე გვქონდა ასეთი შედეგი 49 მომხრე, არცერთი წინააღმდეგი“, _ აღნიშნა კობახიძემ.
