რუსეთის საგარეო საქმეთა სამინისტროში აცხადებენ, რომ სომხეთი და აზერბაიჯანი რუსეთის შუამავლობით შეთანხმდნენ ცეცხლის შეწყვეტაზე 13 სექტემბრის 09:00 საათიდან.
რუსეთის საგარეო უწყებაში იმედოვნებენ, რომ მხარეები შეთანხმებას მიჰყვებიან.
რუსეთის საგარეო საქმეთა სამინისტროს განცხადებაში გამოხატულია შეშფოთება საზღვარზე შეტაკებებთან დაკავშირებით და მხარეებს მოუწოდებენ თავი შეიკავონ მორიგი ესკალაციებისგან, გამოიჩინონ თავშეკავებულება და დაიცვან ცეცხლის შეწყვეტის რეჟიმი.
„უკიდურესი შეშფოთება სომხეთ–აზერბაიჯანის საზღვრის ცალკეულ რაიონებში ვითარების მკვეთრად გაუარესების გამო“ – წერია ოფიციალურ განცხადებაში
რუსეთის საგარეო საქმეთა სამინისტრო მხარეებს მოუწოდებს, თავი შეიკავონ სიტუაციის შემდგომი ესკალაციისგან და დაიცვან ცეცხლის შეწყვეტის რეჟიმი. მისივე განცხადებით, სომხეთსა და აზერბაიჯანს შორის ყველა სადავო პრობლემა უნდა გადაწყდეს მხოლოდ პოლიტიკურ–დიპლომატიური გზით, ხოლო რაც შეეხება სასაზღვრო საკითხებს – დელიმიტაციის ორმხრივი კომისიის ფარგლებში, რომელსაც საკონსულტაციო დახმარებას რუსეთი უწევს.
განცხადებაში ასევე ხაზგასმულია, რომ მიღებულია სომხეთის ხელისუფლების თხოვნა ორმხრივ შეთანხმებასთან და ОДКБ-სთან დაკავშირებით.
აქამდე, ცეცხლის შეწყვეტის შეთანხმებაზე ინფორმაცია აზერბაიჯანულ მედიაში გავრცელდა, თუმცა რუსეთი ნახსენები არ ყოფილა.
სომხეთისა და აზერბაიჯანის საზღვარზე მომხდარი შეტაკებებეის შემდეგ სომხეთმა დასახმარებლად მოსკოვს, კოლექტიური უსაფრთხოების ხელშეკრულების ორგანიზაციასა (ОДКБ) და გაეროს მიმართა.
სომხეთი–აზერბაიჯანის საზღვარზე ინტენსიური ბრძოლები 13 სექტემბრის, დაახლოებით, 00:05-ზე დაიწყო. აზერბაიჯანი სომხეთს მასშტაბური დივერსიებისა და პროვოკაციების მოწყობაში ადანაშაულებს და ამბობს, რომ მოქმედება ამ ყველაფრის პასუხად დაიწყეს.
ცნობისთვის, კოლექტიური უსაფრთხოების ხელშეკრულების ორგანიზაციის შეთანხმების მიხედვით, სომხეთზე თავდასხმა რეალურად ნიშნავს თავდასხმას ბელარუსზე, ყაზახეთზე, ყირგიზეთზე, რუსეთსა და ტაჯიკეთზე. სომხეთს უფლება აქვს თანამეგობრობას სამხედრო დახმარების თხოვნით მიმართოს.
ავტორი
