მუნიციპალიტეტის გამგებელმა სულხან ევგენიძემ ქობულეთის მაჟორიტარ დეპუტატთან საქართველოს პარლამენტში და ინფრასტრუქტურის სამსახურის წარმომადგენლებთან ერთად ქობულეთში, რუსთაველის ქუჩაზე, სანიაღვრე სისტემის მოწყობითი სამუშაოები დაათვალიერა.
წელს პროექტის პირველი ეტაპი განხორციელდება, რომლისთვისაც 698 888 ლარია გათვალისწინებული. სამუშაოების დასრულება ოქტომბრის თვეში იგეგმება.
პროექტის ფარგლებში რუსთაველის ქუჩაზე მოეწყობა საკომუნიკაციო არხები და ჭები და გზის სავალ ნაწილზე დაიგება ასფალტობეტონის საფარი, ასევე მოხდება ქუჩის დაზიანებული მონაკვეთების ორმული შეკეთება.
რუსთაველის ქუჩის რეაბილიტაცია მრავალწლიანი პროექტია და ეტაპობრივად ხორციელდება. გასულ წელს ქუჩის კეთილმოწყობისთვის 1 614 624 ლარი დაიხარჯა, ხოლო წელს ჯამში 3 მილიონამდე ლარი დაიხარჯება. მიმდინარეობს, როგორც ქუჩის დარჩენილი მონაკვეთების მოწესრიგება, ასევე არსებული ინფრასტრუქტურის რეაბილიტაცია.
(R)
