საქართველოში მეორად ტანსაცმელზე მოთხოვნა ყოველწლიურად იზრდება. საქსტატის მონაცემებით, 2021 წლის 4 თვეში (იანვარ-აპრილი) ჯამში, 5,633 მლნ აშშ დოლარის მეორადი ტანსაცმელი შემოვიდა, 2020-ის ანალოგიურ პერიოდში – 5,557 მლნ აშშ დოლარის. გასულ წელს კი – 18,497 მლნ აშშ დოლარის მეორადი ტანსაცმელი შემოვიდა ქვეყანაში.
ქვეყნები, საიდანაც მიმდინარე წელს საქართველომ მეორადი ტანსაცმელი შეიძინა:
- თურქეთი – 1,866 მლნ აშშ დოლარი;
- ესპანეთი – 499.8 ათასი აშშ დოლარი;
- არაბთა გაერთიანებული საამიროები – 343.4 ათასი აშშ დოლარი;
- ნიდერლანდი – 366.6 ათასი აშშ დოლარი;
- გერმანია – 253.6 ათასი აშშ დოლარი;
- ბელგია – 245.3 ათასი აშშ დოლარი;
- ტუნისი – 201.6 ათასი აშშ დოლარი;
- პოლონეთი – 204.3 ათასი აშ დოლარი;
- იტალია – 146.3 ათასი აშშ დოლარი;
- საფრანგეთი – 66.2 ათასი აშშ დოლარი.
გარდა ამისა, საქსტატის მონაცემებით, საქართველოში მცირე რაოდენობით მეორადი ტანსაცმელი შემოდის: სომხეთიდან, ბულგარეთიდან, ბელარუსიდან, კანადიდან, ჩინეთიდან, დანიიდან, საბერძნეთიდან, ერაყიდან, ისრაელიდან, ქუვეითიდან, ლიეტუვადან, ახალი ზელანდიიდან, ნიგერიიდან, ნორვეგიიდან, პაკისტანიდან, ფილიპინებიდან, რუსეთიდან, შვედეთიდან და თურქმენეთიდან.
სხვადასხვა კვლევების და საქსტატის მონაცემების მიხედვით, მიმდინარე წელს, 2019 წელთან შედარებით, ინტერნეტით მეორადი ტანსაცმლის გადაყიდვა 69%-ით გაიზრდება.
საცალო ვაჭრობის სხვა ფართო სექტორებში კი 15%-იან კლებას ელოდებიან. მაგალითად, 2019 წელს მოდური ტანსაცმლის საცალო ვაჭრობის სექტორთან შედარებით, მეორადი ტანსაცმლის გადაყიდვა 25-ჯერ უფრო სწრაფად იზრდებოდა. მოდის გიგანტები second-hand-ის პლატფორმებს სულ უფრო მეტად ყიდულობენ. H&M-ისთვის ასეთია Sellpy, ხოლო Zalando-ისთვის პლატფორმა Zirkle.
Reuter-ის ინფორმაციით, მეორადი ტანსაცმლის შვედური ონლაინ-მაღაზია Sellpy, რომლის საკონტროლო პაკეტიც მოდის გიგანტ H&M-ს ეკუთვნის, გაყიდვებს ევროპის კიდევ 20 ქვეყანაში იწყებს. ამის მიზეზი კი, პროდუქტზე გაზრდილი მოთხოვნაა. ფრანგულმა ჰიპერმარკეტების ქსელ Auchan-მა კი second-hand-ის სექციები უკვე 120 მარკეტში განათავსა.
