იერუსალიმის ძველ ქალაქში, ტაძრის მთაზე,სროლის შედეგად 3 ადამიანი დაშავდა, რომელთაგან 2 მძიმე მდგომარეობაშია. აღნიშნულ ინფორმაციას TIMES OF ISRAEL ავრცელებს.
პოლიციის ცნობით, თავდამსხმელები სამლოცველოსთან დილის 7 საათზე გამოჩნდნენ. რის შემდეგაც ლომების კარიბჭეს გასასვლელთან მივიდნენ და ცეცხლი გახსნეს.
როგორც ცნობილია, ცეცხლის გახსნის შემდეგ თავდამსხმელები ტაძრისკენ გაიქცნენ, პოლიცია გაედევნა და 3-ვე თავდამსხმელი მოკლა.
მაუწყებლის ინფორმაციით, მომხდარზე პასუხისმგებლობა არცერთ ტერორისტულ დაჯგუფებას ჯერ არ აუღია.
