თბილისში აშენებული შუშის შენობები THE GUARDIAN-ის ობიექტივში ხვდება.
როგორც გამოცემა წერს, საქართველოს ყოფილი პრეზიდენტი, მიხეილ სააკაშვილი არქიტექტურით იყო დაინტერესებული, თუმცა, მისი გემოვნება ცოტათი შეზღუდული აღმოჩნდა და შენობებს იმ ენთუზიაზმით აშენებდა, რომ რაც შეიძლება მალე დაესრულებინა.
„თბილისის ისტორიულ ცენტრში შეუძლებელია გამოგრჩეთ შუშის შენობები. იუსტიციის სახლის სახურავი ისე გამოიყურება, თითქოს, ვინმეს კრეკერებით სავსე თასი დაუვარდა. მშვიდობის ხიდს, ადგილობრივები „ოლვეის ულტრას“ უწოდებენ. იქვე, საკონცერტო დარბაზი და საგამოფენო ცენტრი დაუმთავრებელია და მიტოვებული.
ეს არის სიურეალისტური სცენა, არასწორი პროექტები, ყველა პრეზიდენტის სასახლიდან კონტროლირებად ტერიტორიაზეა, ხოლო პრეზიდენტის სასახლე ნეოკლასიკურ სტილშია და სახურავი მინის კვერცხს ჰგავს“,_წერს THE GUARDIAN.
მაუწყებელი აღნიშნავს, რომ საქართველოს ყოფილი პრეზიდენტი რამდენიმე სისხლის სამართლებრივ დანაშაულში ედება ბრალი და ძებნაშია.
THE GUARDIAN-ის ობიექტივში ბიძინა ივანიშვილის სასახლე და პანორამას პროექტიც მოხვდა.
„ივანიშვილის შუშის სასახლე შექმნილია იაპონელი არქიტექტორის, შინ ტაკამაცუს მიერ, მისი ღირებულება 38 მილიონ დოლარზე მეტს შეადგენს თავისი აუზით და კერძო ზოოპარკით.
კედლები ივანიშვილის ხელოვნების კოლექციის ასლია, რის ორიგინალსაც ლონდონში, საცავში ინახავს.
არ დაკმაყოფილდა რა საკუთარი სასახლით, მისი ინიციატივით პანორამა თბილისი შენდება, პროექტი მოიცავს გარგანტური ფუფუნების სასტუმროს, საკონფერენციო ცენტრს და გოლფის კორტებს, რომელიც დაუკავშირდება ქალაქის სხვა უბნებს საბაგიროთი.
ერთი ასეთი შუშის შენობა უკვე შენდება თავისუფლების მოედანზე. პანორამა უკვე დასახელდა საქართველოს ისტორიაში, უძრავი ქონების უდიდეს განვითარების პროექტად, რაც ერთ-ერთი საკამათო საკითხია.
მშენებლობის ირგვლივ, რომელიც ქალაქს გადაჰყურებს, არსებობს კითხვები მისი კანონიერების, შესყიდვების გამჭირვალობის და პროექტის გარემოზე გავლენის ნებართვის გაცემის შესახებ. მშენებლობის დაწყებისთანავე დაიწყო საპროტესტო აქციები, სადაც აქტივისტები დააკავეს, მათ შორის საკრებულოს წევრი, ალეკო ელისაშვილი, მაგრამ მშენებლობა მაინც გრძელდება“,_წერს გამოცემა.
მაუწყებლის ცნობით, ჯოზეფ ალექსანდერ სმიტი, რომელიც უკვე რამდენიმე წელია თბილისში ცხოვრობს, ამბობს, რომ ქალაქმა დაკარგა ისტორიული ქუჩები, ახლა კი დეველოპერები პოლიტიკოსების ბრძანებით ანგრევენ ყველაფერს, რაც დარჩა.
„ყველა ადამიანს აქვს სუფთა ჰაერის სუნთქვის უფლება, მაგრამ მათი ფანჯარა არ უნდა უპირისპირდებოდეს ახალი უკანონო მშენებლობის ბეტონის კედელს“,_ამბობს ის.
სმიტის ნათქვამს, მაუწყებლის ინფორმაციით, „თბილისის არქიტექტურის ბიენალეს“ თანადამფუძნებელი, გურგენიძე ეთანხმება.
„ირგვლივ ყველაფერს ცვლიან. იცვლება ლანდშაფტი და ნადგურდება ჩვენი მემკვიდრეობა“,_ამბობს ის.
THE GUARDIAN-ის ობიექტივში თბილისის ცენტრალური ნაწილის გარდა, გარეუბანი, გლდანი მოხვდა.
„გლდანი ადგილია, სადაც აშენებულია „კამიკაძე ლოჟები“, ავტოფარეხები გადააქციეს თონეებად, სილამაზის სალონებად, 1990 წელს აფხაზეთის ომის შედეგად ლტოლვილთა დიდი ნაკადის გამო, ნაჩქარევად მოხდა შენობების ადაპტირება და დაშენება“.
ცნობისთვის, გასულ კვირას, თბილისში პირველი საერთაშორისო არქიტექტურული ფესტივალი ჩატარდა.
წლევანდელი ბიენალეს მთავარი თემა თბილისის არაფორმალური არქიტექტურის მულტიდისციპლინარულ კვლევაზე იყო ფოკუსირებული.
როგორც მაუწყებელი აღნიშნავს, ბიენალეს გახსნაზე ყველაზე პოპულარული იყო შენობა 76, შანსი, შიგნიდან დაგეთვალიერებინათ გლდანის მაცხოვრებლების ბინები.
