anadolu-ს ინფორმაციით, ბოლო მოხსენების თანახმად, სტამბოლისა და იზმირის პროვინციების სანაპირო რაიონები კლიმატის ცვლილების გამო ზღვის დონის აწევის საფრთხის წინაშეა.
გლობალური ბალანსის ასოციაციამ განაცხადა, რომ სტამბოლის სრუტეზე მოსალოდნელი ცვლილებები გავლენას მოახდენს ზღვის დონის მატებაზე და განსაკუთრებით აისახება რელიგიურ და ისტორიული შენობებზე, რომლებიც სანაპიროებზე მდებარეობს.
მოხსენება ეფუძნება გაანგარიშებას, რომ გლობალური ზღვის დონე გაიზრდება დაახლოებით 0,5 მეტრით (1,64 ფუტი) საუკუნის შუა რიცხვებისთვის და დაახლოებით 1 მეტრით საუკუნის ბოლოს – ყველაზე ნეგატიური სცენარი, რომელიც იწინასწარმეტყველა სამთავრობათაშორისო საბჭომ.
მოხსენებაში ნათქვამია, რომ უფრო მუდმივი ზომები უნდა იქნას მიღებული ადგილების დასაცავად, მათ შორის დოლმაბაჰჩეს სასახლის, ბეილერბეის სასახლის და კუჩუკსუს პავილიონის, რადგან ზღვის დონის მატებამ შეიძლება დატბოროს მდინარეების კალაპოტები გოკსუში, კუჩუკსუსა და კურბაგალიდერეში.
გარკვეული რემონტი საჭირო იქნება ბურჯებზე, როგორიცაა უსკუდარი და კადიკოი.
ნუჟეტ დალფესმა, მოხსენების ერთ-ერთმა ავტორმა, თქვა, რომ სტამბოლში, მარმარილოს ზღვის სანაპირო რაიონებში 6 მილიონზე მეტი ადამიანი ცხოვრობს.
„ქალაქში 120 კვადრატული კილომეტრის ტერიტორია, რომლის სიმაღლე ორ მეტრზე ნაკლებია, რისკის ქვეშაა. ეს არის მალთეპესა და ფატიჰის რაიონების საერთო ფართობის თითქმის ტოლი. სტამბოლის სამხრეთ სანაპიროები უფრო მეტად დაზარალდება ზღვის დონის ცვლილებისგან“, – განაცხადა მან.
მოხსენებაში ნათქვამია, რომ იზმირის ყურე ყველაზე მეტად დაზარალდება ზღვის დონის ცვლილებით.
მოხსენების მიხედვით, ზღვის დონის აწევა გამოიწვევს სანაპირო ზოლის ზოგიერთი უბნის დატბორვას და მარილიანი წყლის მიწისქვეშა წყლებთან შერევას, რაც სერიოზულ პრობლემებს შეუქმნის სოფლის მეურნეობის წარმოებას.
დასასვენებელი კურორტები და სანაპირო ზონები, როგორიცაა გუზელბაჰჩე, შეიძლება შემცირდეს, ხოლო სიგაჩიკის ყურეში საზღვაო ადგილები რისკის ქვეშ იმყოფება.
