“ომიკრონი” კორონავირუსის ახალი შტამია.
- Covid-ის ახალი ვარიანტი სხვა შტამებთან შედარებით ხელახალი ინფიცირების უფრო მაღალ რისკს შეიცავს. მას ამ დრომდე არსებულ ვარიანტებს შორის ყველაზე მეტი მუტაცია აქვს.
- “ომიკრონის” ლაბორატორიულ-მიკრობიოლოგიური კვლევით დაადგინეს, რომ ეს შტამი 70-ჯერ უფრო სწრაფად ვრცელდება ზედა სასუნთქ გზებში და ბრონქის კედელში ვიდრე მისი წინამორბედი “დელტა” ვარიანტი. სამაგიეროდ,”ომიკრონი”, ამ უკანასკნელთან შედარებით 10-ჯერ უფრო ნაკლებად ხვდება ფილტვის ქსოვილში.
- ადამიანის ზედა სასუნთქ გზებში გავრცელება იმას ნიშნავს, რომ ლაპარაკისას,დახველებისას, დაცემინებისას ვირუსის გამოყოფა უფრო გამარტივდა,
- სხვებზე გადადების შანსიც ამ დროს ბევრად მეტია.
- რაც შეეხება ფილტვის ქსოვილში ნაკლებ კონცენტრაციას, ეს სავარაუდოდ იმის მანიშნებელია რომ ავადობა უფრო მსუბუქ ფორმებში წარიმართება.
- თუმცა, არსებობს საფრთხეები და
საფრთხეებს შორისაა:
- გადადების მომატებული უნარი;
- დადასტურებული შემთხვევები მცირე ასაკის ბავშვებში;
- მკვეთრად გაზრდილი რეინფიცირების შესაძლებლობა.
ომიკრონის შემთხვევაში სიმპტომები დაინფიცირების შემდეგ შედარებით სწრაფად ვლინდება.
ბავშვებში წამყვანი სიმპტომები:
ხშირად,პირველი და გამორჩეული სიმპტომი გამონაყარია – მშობლებმა განსაკუთრებული ყურადღება უნდა მიაქციონ ამ ფაქტს და იმ შემთხვევაში, თუ მათ სხეულზე უცნაური გამონაყარი შენიშნეს, მიმართონ ექიმს.
ბავშვებსა და მოზარდებში “ომიკრონ- შტამს” ისეთი სიმპტომები ახლავს, როგორიცაა:
_ დაღლილობა,
_ თავის ტკივილი
_ მადის დაკარგვა.
_ ტემპერატურა,
_ სისუსტე.
ბოლო პერიოდის ხშირი პოსტკოვიდური გართულება მცირე ასაკის ბავშვებში არის პირველი ტიპის დიაბეტი.
როგორ ვლინდება “ომიკრონი” მოზრდილებში:
რაც შეეხებათ მოზრდილებს, მათთან გამონაყარი ნაკლებად ფიქსირდება, ძირითადი სიმპტომები კი, რომლებსაც ყურადღება უნდა მივაქციოთ, არის:
- ტემპერატურა
- ხველა
- ცხელება ან შემცივნება
- ქოშინი ან სუნთქვის გაძნელება
- დაღლილობა
- კუნთების ან სხეულის ტკივილი
- თავის ტკივილი
- ყელის ტკივილი
- სურდო
- გულისრევა ან დიარეა
- ძალიან იშვიათად ყნოსვისა და გემოს დაკარგვა;
- გულისრევა, ღამით ოფლიანობა და წელის ტკივილი.
არ უნდა დავივიწყოთ ის ფაქტიც, რომ ზოგიერთი ადამიანი საერთოდ უსიმპტომოდ ინფიცირდება.
დღევანდელ რეალობაში ომიკრონით ჰოსპიტალიზაცია წინა შტამებთან შედარებით შემცირებულია, თუმცა, ძალიან სწრაფი გავრცელების გამო ჯანდაცვის სისტემისათვის მას მაინც ბევრი პრობლემის შექმნა შეუძლია.
შესაძლებელია თუ არა, “ომიკრონით” ხელახლა დაინფიცირება?
_ კორონავირუსის ახალმა შტამმა პანდემიის ახალი რეკორდები დაამყარა.
_ “ომიკრონის” ვარიანტი სწრაფად ვრცელდება, რადგანაც , მას შეუძლია ხელახლა დააინფიციროს ისინი, ვისაც უკვე აქვს გადატანილი კოვიდის სხვა ვარიანტები და აქვს შეძენილი იმუნიტეტი.
რატომ არ უნდა ვთქვათ დღეს საქართველოში, რომ “ომიკრონი” “ჩვეულებრივი სეზონური გრიპია.
_ მაშინ, როდესაც ჯერ კიდევ არ არსებობს მტკიცებულება, რომ “ომიკრონი” COVID19-ის უკანასკნელი შტამია;
_ მაშინ, როდესაც “ომიკრონმა” გამოიწვია რეინფიცირების შემთხვევები;
_ მაშინ,როდესაც დაფიქსირდა ომიკრონით ინფიცირებისას ლეტალური გამოსავალი,
განცხადება, რომ ის “სეზონური ტიპის გრიპად გადაიქცევა”, ჯერჯერობით, ნაადრევია.
ბევრმა ქვეყანამ შეარბილა კოვიდ-რეგულაციის მოთხოვნები, რას უნდა ველოდოთ ჩვენთან?
_ “სხვა ქვეყნების გამოცდილება”, საქართველოს რეალობაში ვერ გამოგვადგება რამდენიმე მიზეზის გამო.
_ ყოველდღიურად ფიქსირდება გარდაცვალების ათეულობით შემთხვევა;
_ პირბადის ტარების მაჩვენებელი მუდმივად მერყეობს 30-40% შორის
_ მთავარი მიზეზი კი ისაა, რომ იმ “სხვა ქვეყნებისგან” განსხვავებით, დღეს საქართველოში ვაქცინაციის მაჩვენებელი უკიდურესად დაბალია.
_ დღეს ქვეყანას მოზრდილი მოსახლეობის 42% ჰყავს აცრილი, მაშინ, როდესაც ვაქცინაციით მოცვის პროცენტობა იმ ქვეყნებში, რომლებმაც შეარბილეს ან მოხსნეს რეგულაციები 70-95% ფარგლებშია.
_ საქართველოში დაბალია რისკ-ჯგუფში შემავალი, 70-75 წელს ზემოთ მოქალაქეების ვაქცინაციის რიცხვი.
_ უკიდურესად დაბალია 12-17 წლის ასაკობრივ კატეგორიაში მყოფი მოზარდების ვაქცინაციის მაჩვენებელი.
_ განსაკუთრებით საგულისხმოა ის, რომ უკანასკნელი დღეებია, ქვეყანაში გადავსებულია ის პედიატრიული კლინიკები და განყოფილებები, სადაც კოვიდით ინფიცირებულ ბავშვებს მკურნალობენ. საჭირო გახდა დამატებითი პედიატრიული საწოლების მობილიზებაც.
ღირს თუ არა, ბუსტერ-დოზის გაკეთება?
_ “ომიკრონის” გავრცელების პირობებში, განსაკუთრებით საყურადღებოა “ბუსტერ დოზით” ვაქცინაციის მონაცემიც, რადგანაც COVID19-ის ახალი შტამით ინფიცირების შემთხვევაში, ჰოსპიტალიზაციის რისკს მაღალი პროცენტული მაჩვენებლით სწორედ მესამე, ბუსტერ დოზა იცავს.
_ ბუსტერ-დოზა, არავაქცინირებული ადამიანისგან განსხვავებით, ადამიანს 40-ჯერ იცავს დაავადების მძიმე მიმდინარეობისგან, ორი დოზა კი 9-ჯერ.
ჩვენ ერთად შევაფასეთ რისკები და დავრწმუნდით, რომ:
_ “ომიკრონი” დღეს ისევ სერიოზულ გამოწვევად რჩება:
_ მიუხედავად იმისა,რომ ჰოსპიტალიზაცია და სიკვდილიანობა მშოფლიოში შედარებით შემცირდა, ჩვენთან ყოველდღიურად ათეული ადამიანის სიცოცხლეს გვართმევს კოვიდი;
_ დადებითი შემთხვევების მატების გამო, გადატვირთულია ჯანდაცვის სისტემა, განსაკუთრებული დატვირთვა მოდის პირველადი ჯანდაცვის რგოლზე და საზოგადოებრივი ჯანდაცის ცენტრებზე;
ამიტომ:
გაითვალისწინეთ შექმნილი საფრთხეები, დაიცავით კოვიდ-რეგულაციის მოთხოვნები:
_ პირბადის ტარება;
– სოციალური დისტანცირება;
_ პირადი ჰიგიენა(განსაკუთრებით ხელების;
_ ხალხმრავალი თავშეყრისაგან თავის არიდება;
_ ვაქცინაცია, ბუსტერ-დოზირება, რათა ორგანიზმში წარმოქმნილმა სპეციფიურმა ანტისხეულებმა უზრუნველყონ შეძენილი იმუნიტეტის ხანგრძლივად შენარჩუნება.
გაითვალისწინეთ სპეციალისტების რჩევები და რეკომენდაციები!
ერთად უზრუნველვყოთ პანდემიის დასრულება!
