11 წლის ასაკში ელვისს პირველი გიტარა აჩუქეს, თუმცა, მას ველოსიპედი უფრო უნდოდა და გიტარას ხელს არ ჰკიდებდა, სანამ სიმღერის მასწავლებელმა არ უთხრა, უნიჭო ხარო. ელვისმა გიტარაზე დაკვრის შესწავლით გადაწყვიტა, დაემტკიცებინა, რომ მასწავლებელი ცდება. მუსიკალური განათლება ელვისს არ მიუღია, ის თვითნასწავლი მუსიკოსი იყო. 21 წლის ასაკში ელვისი მსოფლიო მასშტაბის ვარსკვლავი გახდა.
სკოლის დამთავრების შემდეგ ელვის პრესლი ცოტა ხანს სატვირთო ავტომობილის მძღოლად მუშაობდა.
ელვის პრესლი ნატურალური ქერაა; შავად თმის შეღებვა მან თავისი კერპის, დინ მარტინის მიბაძვის გამო დაიწყო.
ელვის პრესლი ამერიკის ფედერალურ საგამოძიებო სამსახურთან თანამშრომლობდა, იგი ნარკოტიკების წინააღმდეგ მებრძოლი ორგანოს საპატიო ოფიცერი გახლდათ.
როდესაც ელვის პრესლის გარდაცვალება გაცხადდა, მისმა თაყვანისმცემლებმა არ დაიჯერეს და რამდენიმე მათგანმა ვარსკვლავის საფლავიც კი გათხარა, რომ დარწმუნებულიყო მომხდარში.
ელვის პრესლი გატაცებული იყო აღმოსავლური ორთაბრძოლებით, მათ შორის – კარატეთი. პრესლი შავი ქამრის მფლობელი გახლდათ.
პრესლის უყვარდა მეგობრებისთვის საჩუქრების გაკეთება. მათთვის იძენდა სახლებს და უფინანსებდა საქორწილო ხარჯებს. მან აუსრულა დედას ოცნება და ვარდისფერი „კადილაკი“ აჩუქა.
ელვის პრესლი 42 წლის ასაკში გარდაიცვალა. ოფიციალური ვერსიით, მიზეზი იყო გულის უკმარისობა, არაოფიციალურად კი – ნარკოტიკული საშუალებებისა და ანტიდეპრესანტების ზედმეტი დოზის მიღება.
ავტორი
