ვის და რატომ უხდის მადლობას სახალხო დამცველი _ “თქვენი მხარდაჭერა მეიმედება”

მინდა პერსონალური მადლობა გადავუხადო ყველა იმ პირს ვინც მყისიერად გამოგვეხმაურა და დახმარება შემოგვთავაზა; მადლობა სწავლებისა და მონიტორინგის ცენტრს (EMC), გურია ნიუსს, ბიოლის ფონდს, თანასწორობის მოძრაობას, sakdoc film-ს, საქართველოს მთავრობის ადმინისტრაციას, ევრო რეგიონალურ უნივერსიტეტს, საქართველოს უნივერსიტეტს, ფონდ ღია საზოგადოება საქართველოს, ილიას უნივერსიტეტს, დემირელის კოლეჯს და პერსონალური მონაცემების დაცვის ინსპექტორს. ბოდიშს გიხდით თუ ვინმე გამომრჩა, ბევრნი ხართ და საუკეთესოები, _ წერს ნინო ლომჯარია.

შეგახსენებთ, რომ დღეს სახალხო დამცველმა განცხადება გაავრცელა და  საჯარო და კერძო ორგანიზაციებს მისი თანამშრომლებისთვის სამუშაო სივრცის გამოყოფა სთხოვა:

“მეგობრებო, გუშინდელი მიწისძვრის შემდგომ, ჩვენ ოფისში ბზარები კიდევ უფრო გაიზარდა.

გამომდინარე იქიდან, რომ თანამშრომელთა ნაწილს მიწის ქვედა სართულებზე უწევს მუშაობა, რაც ნგრევის

შემთხვევაში ევაკუაციის სირთულეს ქმნის, მივიღეთ გადაწყვეტილება, რომ იმ სართულებზე განთავსებული

სამსახურები, რომლებიც მომეტებული საფრთხის ქვეშ არიან, გადავიყვანოთ სხვა შენობებში.

მინდა მივმართო ყველა საჯარო და კერძო ორგანიზაციას, თუკი გაქვთ კეთილი ნება და სამუშაო სივრცე, რომ

სახალხო დამცველის თანამშრომლები დაუყოვნებლოვ და დროებით მოთავსდნენ და ჰქონდეთ ნორმალური

სამუშაო გარემო, გამოგვეხმაურეთ. რაოდენობებს მოგაწვდით“, _ წერდა ლომჯარია სოციალურ ქსელში.

 ია მამალაძე სახალხო დამცველის თხოვნას, მისი თანამშრომლებისთვის ოფისის დათმობის თაობაზე გამოეხმაურა მედიასახლ „გურია ნიუსის“ დამფუძნებელი, რომელმაც მზადყოფნა გამოთქვა თბილისში,  ვაჟა-ფშაველას 78 ა ნომერში, მეტროსადგურ “ვაჟა-ფშაველას“ მიმდებარედ,  „გურია ნიუსის“ ოფისში მათთვის ფართი დაეთმო.

ამავე თემაზე: “გურია ნიუსის” დამფუძნებელი სახალხო დამცველის თხოვნას პასუხობს _ “შეგვიძლია დავუთმოთ ოთახი”