“ვოლოდიმირ ზელენსკის პოპულარობა ეცემა და ის საკუთარ შეცდომებს ძალაუფლების დაკარგვით გადაიხდის”,_ ამის შესახებ განცხადება კიევის მერმა ვიტალი კლიჩკომ გააკეთა.
„ხალხი ხედავს, ვინ არის ეფექტური და ვინ არა. იყო და არის კიდევ ბევრი მოლოდინი. ზელენსკი იხდის დაშვებულ შეცდომებს“, – თქვა მან შვეიცარიულ საინფორმაციო ვებგვერდ 20 Minutes-თან ინტერვიუში.
მძიმე წონის კრივში მსოფლიოს ყოფილი ჩემპიონი, რომელიც კიევის მერია 2014 წლიდან, არის ზელენსკის პოლიტიკური მოწინააღმდეგე, მაგრამ მისი კომენტარები ასახავს პრეზიდენტის მიმართ მზარდ უკმაყოფილებას 21 თვის ომისა და ნატოს მიერ მხარდაჭერილი წარუმატებელი კონტრშეტევის შემდეგ.
უკრაინაში ჩატარებულმა გამოკითხვებმა აჩვენა, რომ როგორც რუსეთის წინააღმდეგ ბრძოლის, ასევე ბატონი ზელენსკის მხარდაჭერა დაეცა, თუმცა ისინი კვლავ 60 პროცენტზე მეტია.
კლიჩკომ ზელენსკი დაადანაშაულა 2022 წლის თებერვალში რუსეთის შემოჭრის შესახებ გაფრთხილებების უგულებელყოფაში, წარუმატებლობები, რომლებმაც, მისი თქმით, თითქმის მისცა რუსეთის არმიას კიევის დაკავების საშუალება.
