ზელენსკის თქმით, რუსეთთან დიალოგის განხილვაში მაკრონი დროს კარგავს

უკრაინის პრეზიდენტმა, ვოლოდიმირ ზელენსკიმ Corriere della Sera – თან ინტერვიუში განაცხადა,  რომ საფრანგეთის პრეზიდენტის, ემანუელ მაკრონის მხრიდან რუსეთთან რაიმე სახის დიალოგი დროის დაკარგვა იქნება.

ზელენსკიმ,  მაკრონის წინადადებას უპასუხა, რომ რუსეთი უნდა იყოს „დამარცხებული, მაგრამ არა განადგურდეს“ და რომ უკრაინაში კონფლიქტი მოლაპარაკებებით უნდა მოგვარდეს.

ორმა პრეზიდენტმა კვირას ტელეფონით ისაუბრა.

ზელენსკის თქმით, რუსეთთან დიალოგი უსარგებლო იქნება.

“ეს დიალოგი უსარგებლო იქნება. უფრო მეტიც, მაკრონი დროს კარგავს. მე მივედი დასკვნამდე, რომ ჩვენ არ შეგვიძლია შევცვალოთ რუსეთის დამოკიდებულება. თუ მათ გადაწყვიტეს იზოლირება და საბჭოთა იმპერიის თავიდან აშენება, ჩვენ ამაზე ვერაფერს ვიზამთ. მათი ასარჩევია ითანამშრომლებენ თუ არა საზოგადოებასთან ურთიერთპატივისცემის საფუძველზე”, – თქვა ზელენსკიმ.

ამ კომენტარით ზელენსკი მაკრონის განცხადებას გამოეხმაურა, რომელმაც თქვა, რომ რუსეთი უნდა დამარცხდეს, თუმცა არა განადგურდეს და რომ უკრაინაში ომი მოლაპარაკებების გზით უნდა მოგვარდეს.

მან უარყო ნებისმიერი ვარაუდი, რომ დასავლეთის სანქციებმა რუსეთის პრეზიდენტი ვლადიმერ პუტინი იზოლაციაში მიიყვანა.

„ომის დაწყების გადაწყვეტილებამ პუტინიწ მარგინალიზაცია მოახდინა“, – თქვა მან.

პარასკევს მაკრონმა მოკავშირეებს მოუწოდა, გააძლიერონ უკრაინის სამხედრო მხარდაჭერა.

მან, ასევე Journal du Dimanche-თან ინტერვიუში განაცხადა, რომ არ სჯერა რეჟიმის ცვლილების, რომ რუსეთის სამოქალაქო საზოგადოების დემოკრატიული გადაწყვეტის მცირე შანსია და პუტინის მოლაპარაკებების მაგიდასთან დაბრუნების ალტერნატივა არ არსებობს.

მაკრონის წინადადებას,  რუსეთის საგარეო საქმეთა სამინისტროს წარმომადგენელი მარია ზახაროვა გამოეხმაურა, მან მაკრონს უთხრა, რომ საფრანგეთს უნდა ახსოვდეს მე-19 საუკუნის რუსეთში ნაპოლეონ ბონაპარტის დამარცხება.

მაკრონმა ნატოს ზოგიერთი მოკავშირის კრიტიკა გამოიწვია უკრაინასა და რუსეთს შორის ომის შესახებ მის პოლიტიკასთან დაკავშირებით არაერთგვაროვანი შეტყობინებების მიწოდების გამო.

უკრანის და საფრანგეტის ლიდერმბმა სატელეფონო საუბრისას,  განიხილეს სტრატეგიები, მათ შორის ერთობლივი გადაწყვეტილებები, როგორც  ზელენსკიმ თქვა,  ამ კვირაში რუსეთის შემოჭრის პირველი წლისთავის წინ იყო მიღებული.