და ამ შეხვედრაზე პრესის წარმომადგენლების მხრიდან არდასწრებას შეეხებოდა, იმავე დღესვე მოჰყვა რეაქცია ურუშაძის მხრიდან _ იგი სოციალური ქსელის საშუალებით გამოგვეხმაურა: “ის, რომ მე არ ვისურვე პრესის დასწრება აკეთში შეხვედრაზე, არასწორია. პირიქით, მე ყოველთვის ღია ვარ პრესასთან. ამ კონკრეტული შემთხვევის გამო კი საყვედური ვუთხარი გამგეობის პრესცენტრს, რომ არ მოახდინა თქვენი გაფრთხილება,” _ წერს ზაზა ურუშაძე.
მოგვიანებით მუნიციპალიტეტის პრესსამსახურიდან ასეთი შინაარსის წერილი მივიღეთ: “გურია ნიუსში” (17 ივნისი, 2013) გამოქვეყნდა წერილი სათაურით “გამგებლის შეხვედრა მოსახლეობასთან პრესის გარეშე”.
ამასთან დაკავშირებით გვინდა განვაცხადოთ შემდეგი: ვინაიდან ეს იყო სამუშაო შეხვედრა, მედიასაშუალებების ფონზე ამ შეხვედრის გამართვა პომპეზურობად და პიარკამპანიად ჩაითვლებოდა. რადგანაც მედიასაშუალებებს აქვთ სურვილი მსგავსი შეხვედრების გაშუქებისა, წინასწარ იქმნებიან ინფორმირებულნი სოფლის მოსახლეობასთან შეხვედრის დროსა და ადგილზე.
ლანჩხუთის მუნიციპალიტეტის პრესსამსახური.”
სტატიები მომზადებულია ფონდის “ღია საზოგადოება _ საქართველოს” მიერ დაფინანსებული პროექტის _ “დათვალე საკუთარი ფული!”, ფარგლებში და მასში გამოთქმული მოსაზრება არ გამოხატავს ფონდის პოზიციას.
