ყველაზე ხარისხიანი მანქანები

ავტორიტეტულმა ანალიტიკურმა სააგენტომ J.D. Power and Associates გამოაქვეყნა აშშ-ს ბაზარზე გაყიდული ავტომანქანებს შორის ყველაზე ხარისხიანი ავტომანქანების სია.

სია შედგა 2013 წლის თებერვალ-მაისში ჩატარებული გამოკითხვის მიხედვით, რომელშიც მონაწილეობა მიიღო 83 ათასმა მოქალაქემ.

კომპაქტურ სედანებში გამარჯვებული გახდა Honda Civic, საშუალო ზომის სედანებში _ Toyota Camry, სრული ზომის სედანებში კი _ Chevrolet Impala.

სუბკომპაქტურ კროსოვერებში პირველი ადგილი გაიყვეს Buick Encore-მ და Kia Sportage-მა, კომპაქტური ზომის კროსოვერებში გაიმარჯვა Honda CR-V-მ, საშუალო ზომის კროსოვერებში კი Nissan Murano-მ.

ყველაზე ხარისხიანი მინივენი აღმოჩნდა Chrysler Town & Country, კომპაქტვენი _ Kia Soul, ყველგანმავლებში გაიმარჯვა Chevrolet Tahoe-მ, სუბკომპაქტურ ავტომანქანებში _ Mazda2.

ახლა კი გთავაზობთ J.D. Power and Associates-ს მიერ შედგენილ ყველაზე ხარისხიანი ავტომანქანების რეიტინგს (რეიტინგი შედგენილია ყველა 100 მანქანაზე გამოვლენილი უხარისხო დეტალის მიხედვით)

1. Porsche (80 უხარისხო დეტალი);

2. GMC (90 უხარისხო დეტალი);

3. Lexus (94 უხარისხო დეტალი);

4. Infiniti (95 უხარისხო დეტალი);

5. Chevrolet (97 უხარისხო დეტალი);

6. Acura (102 უხარისხო დეტალი);

7. Toyota (102 უხარისხო დეტალი);

8. Honda (103 უხარისხო დეტალი);

9. Jaguar (104 უხარისხო დეტალი);

10. Hyundai (106 უხარისხო დეტალი).