მოხსენება ორ ნაწილიანია. ნაწილს ,,დარგობრივი ეკონომიკისა და ეკონომიკური პოლიტიკის კომიტეტში“ განიხილავენ ნაწილს კი ,,საფინანსო საბიუჯეტო კომიტეტში.“ მოხსენებაში საუბარია აუდიტის სამსახურის 2012 წლის საქმიანობასა და პარლამენტის მშენებლობის პროცედურებსა და ხარჯებზე. თორდიას განცხადებით აუდიტის სამსახურმა საკმაოდ მნიშვნელოვანი მუშაობა გასწია. ანგარიშში ყველა მასალაა, რომელიც ქუთაისში პარლამენტის მშენებლობასა და მის ხარჯებს შეეხება. სახელმწიფო აუდიტის სამსახურის ხელმძღვანელი ხარვეზებზეც საუბრობს და აღნიშნავს, რომ ბევრი რამ დასახვეწია.
_ ,,ამ შემთხვევაში წარმოდგენილია 2012 წლის ანგარიში რომელიც განიხილავს საფინანსო საბიუჯეტო კომიტეტი და შემდგომში აღნიშნული ანგარიში განიხილება პარლამენტის სესიაზე. ამ ანგარიშში ასახულია ის საკითხები, რომელიც უკავშირდება სახელმწიფო აუდიტის საქმიანობას თუ რა საქმიანობა გასწია, რა შედეგები იქნა მიღწეული ამ საქმიანობის მიხედვით და შესაბამისად შემდეგ ხდება შეფასება პარლამენტის მხრიდან. სად არის პრობლემები და როგორ უნდა გამოსწორდეს ეს პრობლემები. რა გზით უნდა წავიდეთ რა პოლიტიკით და ვინაიდან სახელმწიფო აუდიტის სამსახური, არის საპარლამენტო დაწესებულება და სახელმწიფო აუდიტი, პირველი მომხმარებელი და შემმოწმებელი ჩვენი აქტების, არის პარლამენტი, ანგარიშვალდებულება ამ შემთხვევაში ჩვენს სამსახურს აქვს მხოლოდ პარლამენტთან. 2012 წელს ახალი ფუნქცია შეემატა სახელმწიფო აუდიტის სამსახურს _ ეს არის პარტიების ფინანსური მონიტორინგის საკითხები. იცით, რომ ბევრი განსხვავებული მოსაზრება იყოს ამ თემის ირგვლივ. ვინაიდან ეს ახალი ფუნქცია იყო, გარკვეული ხარვეზები არსებობდა, თუმცა, ჩვენ ყველაფერს ვაკეთებდით და ვაკეთებთ იმისთვის, რომ მომავალი საპრეზიდენტო არჩევნებისთვის უფრო მეტად მომზადებული ვიყოთ და პროცედურები დახვეწილი იყოს. იმისათვის, რომ კითხვის ნიშნები არცერთი ინსტანციიდან არ მოდიოდეს და მეტად გავასაჯაროოთ ის პროცედურები, რომლებსაც სამსახური გასწევს. ასევე არის სიახლეები ეფექტიანობის აუდიტის კუთხით, რომელიც ასევე ახალი პროცედურაა ჩვენი სამსახურისთვის. ამიტომ, ამ საკითხებზე მსჯელობა მნიშვნელოვანია პარლამენტში. ასევე ანგარიშში არის გადმოცემული ყველა მასალა, რომელიც უკავშირდება ქუთაისში საქართველოს პარლამენტის შენობის მშენებლობას. თუ როგორ იქნა მოპოვებული სახსრები, როგორ მოხდა დაფინანსება ამ შენობის აშენებისთვის და რანაირად იქნა გახარჯული, რა დაჯდა საბოლოო ჯამში აღნიშნული შენობის მშენებლობა. ასევე, არის პროცედურულ ნაწილზე საუბარი, იყო თუ არა მშენებლობის ნებართვა გაცემული და გარკვეული პროცედურები დაცული“ _ განაცხადა სახელმწიფო აუდიტის სამსახურის ხელმძღვანელმა ლაშა თორდიამ.
