დღეის მდგომარეობით, საქმე სამ ეპიზოდიანია და როგორც ირკვევა, საერთო ჯამში დაახლოებით 50 მილიონი ლარიაგაფლანგული. ერთ-ერთი ეპიზოდი საპარლამეტო არჩევნების დროს პარტიული ღონისძიებების მოსაწყობად მერიის ბიუჯეტიდან თანხების გადარიცხვას ეხება.
გამოძიების მასალებით „წინასაარჩევნო პერიოდში “ნაციონალური მოძრაობის” მხარდამჭერების გამასპინძლების მიზნით, შპს “სითი ივენთსა” და შპს “ფართი ჰაუსს”, ფონდის სახელით გაუფორმეს ხელშეკრულებები, შესაბამისი მომსახურების გაწევაზე. 2012 წლის თებერვლიდან ივნისის თვის ჩათვლით ხსენებულმა საწარმოებმა ორგანიზება გაუკეთეს “ნაციონალურ იმოძრაობის მხარდამჭერების გამასპინძლების მიზნით მოწყობილ ფურშეტებს”.
“სითი ივენთსა” და “ფართი ჰაუსთან” გაფორმებულ ხელშეკრულებებს თავად ფონდის თავმჯდომარე გიორგი საბანაძე აწერს ხელს. ხელშეკრულებებში მითითებულია მენიუ, დამსწრეთა რაოდენობა და ღონისძიების ღირებულება.
პარტიული მენიუ ძირითადად კანაპეებიით იყო წარმოდგენილი: კარტოფილის ნავი ფანიტასით, ესპანელი კაცი, შავი პური ორაგულით, ყველის ბურთი, კანაპე სარდერით, კანაპე ქათმის ბურთით, ღვინო წითელი და თეთრი, ნატურალური ხილის წვენები.
“ფართი ჰაუსის“ მიერ ორგანიზებული ფურშეტები 400-დან 600 კაცზე იმართებოდა. პარტიული პროგრამის წარდგენის შემდეგ ნაცმოძრაობის ლიდერები მხარდამჭერებს ფურშეტზე ეპატიჟებოდნენ.
“ფართი ჰაუსის” დირექტორის თამარ ნიჟარაძის ჩვენებით, პარტიულ შეხვედრებს ესწრებოდნენ: ვანო მერაბიშვილი, დავით ბაქრაძე , დავით საყვარელიძე, ალექსანდრე ვაშაძე, გიგი უგულავა, კობა სუბელიანი, დიმიტრი შაშკინი. ღონისძიებები ტარდებოდა როგორც რესტორნებში, ასევე სხვადასხვა ადმინისტრაციულ შენობებში, მაგალითად გრიბოედოვის თეატრში, ნაძალადევის რაიონის კულტურის სახლში, ნაციონალური მოძრაობის რაიონულ ოფისებში. როგორც წესი, ეს შეხვედრები დახურული იყო მედიისთვის.
თამარ ნიჟარაძის ჩვენებით ნაციონალურმა მოძრაობამ ფურშეტების გამართვა 2012 წლის თებერვლის თვეში დაიწყო და მთელი გაზაფხულ-ზაფხულის განმავლობაში მიმდინარეობდა, ყოველდღიურად, შაბათ-კვირის გარდა.
მოწმეთა ჩვენებით ირკვევა, რომ “სითი ივენთი” და “ფართი ჰაუსი” საერთო ჯამში 25 ათასამდე პარტიულ აქტივისტს მოემსახურა, რაშიც თბილისის მერიამ 719 862 ლარი დახარჯა.
