“პრეზიდენტობის დასახელებულმა კანდიდატებმა თანამდებობები უნდა დატოვონ”

ის მიიჩნევს, რომ ყველა კანდიდატს თანაბარი სასტარტო პირობები უნდა ჰქონდეთ და ამისთვის საჭიროა, დასახელებულმა პრეზიდენტობის კანდიდატებმა სახელმწიფო თანამდებობები დატოვონ. იგი საარჩევნო კოდექსში ცვლილების სასწრაფოდ შეტანას მოითხოვს და შესაბამისი მუხლის ფორმულირებასაც სთავაზობს:

“სახელმწიფო თანამდებობის პირს, რომელიც წარდგენილია პრეზიდენტობის კანდიდატად, კანონი არჩევნებამდე თანამდებობის დატოვებას არ ავალდებულებს. ამ თვალსაზრისით, საპრეზიდენტო კანდიდატებთან მიმართებაში არსებული ნორმა განსხვავებულია პარლამენტის წევრობისა და ადგილობრივი თვითმმართველობის ორგანოების წევრობის კანდიდატებისთვის დაწესებული ნორმებისგან, რამდენადაც მთელი რიგი თანამდებობის პირები ვალდებულნი არიან, თანამდებობიდან გადადგნენ, მათ შორის პრეზიდენტიც, თუკი კენჭს საპარლამენტო ან ადგილობრივი ხელისუფლების არჩევნებში იყრიან (საქართველოს კონსტიტუცია, მუხლი 5. პუნქტი 5. “პარლამენტის წევრის არჩევის წესი, აგრეთვე, არჩევნებში კანდიდატად მონაწილეობის დაუშვებლობა განისაზღვრება კონსტიტუციითა და ორგანული კანონით.”

კონკრეტულად საქართველოს პარლამენტის წევრობის და ადგილობრივი თვითმმართველობის ორგანოების კანდიდატების სტატუსის შეუთავსებლობა თანამდებობრივ მდგომარეობასთან განსაზღვრულია საქართველოს საარჩევნო კოდექსის 112 და 136 მუხლებით (დაკავებული თანამდებობიდან უნდა გადადგნენ და განთავისუფლდნენ შემდეგი თანამდებობის პირები: ა) საქართველოს პრეზიდენტი; ბ) საქართველოს, აგრეთვე ავტონომიური რესპუბლიკის მინისტრები, სამთავრობო და სახელმწიფო საქვეუწყებო დაწესებულებათა ხელმძღვანელები და მათი მოადგილეები; გ) საქართველოს უშიშროების საბჭოს წევრები (გარდა პარლამენტის წევრებისა); დ) საქართველოს ეროვნული ბანკის საბჭოს წევრები; ე) გენერალური აუდიტორი და მისი მოადგილეები; ვ) სახელმწიფო რწმუნებულები – გუბერნატორები და მათი მოადგილეები; ზ) საკრებულოს თავმჯდომარე, გამგებელი, ქალაქის მერი; ი) მოსამართლეები; კ) საქართველოს სახალხო დამცველი და მისი მოადგილე; ნ) საჯარო სამსახურის ბიუროს უფროსი და მისი მოადგილეები; ო) პროკურორები, მათი მოადგილეები, თანაშემწეები და გამომძიებლები; პ) საქართველოს კომუნიკაციების ეროვნული კომისიისა და საქართველოს ენერგეტიკისა და წყალმომარაგების მარეგულირებელი ეროვნული კომისიის წევრები)

ასეთი მოთხოვნები “საარჩევნო კოდექსში” პრეზიდენტობის კანდიდატებთან მიმართებაში არ წერია. ვინაიდან საქართველოს პრეზიდენტის არჩევნების თარიღი უკვე გამოცხადებულია, სამართლიანი და თავისუფალი არჩევნების ჩატარების მიზნით, “საქართველოს საარჩევნო კოდექსში” სასწრაფოდ შეტანილ იქნას ცვლილებები და 112 პრიმა მუხლით განისაზღვროს საქართველოს პრეზიდენტობის კანდიდატის სტატუსის შეუთავსებლობა თანამდებობრივ მდგომარეობასთან:

მუხლი112 პრიმა:

ა) საქართველოს პარლამენტის წევრები; ბ) საქართველოს, აგრეთვე აფხაზეთისა და აჭარის ავტონომიური რესპუბლიკების მინისტრებს, სამთავრობო სახელმწიფო საქვეუწყებო დაწესებულებათა ხელმძღვანელებს და მათ მოადგილეებს; გ) საქართველოს ეროვნული უშიშროების საბჭოს წევრებს; დ) საქართველოს ეროვნული ბანკის საბჭოს წევრებს; ე) გენერალურ აუდიტორს და მის მოადგილეებ ს ; ვ) საქართველოს პარლამენტის აპარატის უფროსს; ზ) სახელმწიფო რწმუნებულს – გუბერნატორს და მის მოადგილეებს; თ) საქართველოს შინაგან საქმეთა და თავდაცვის სამინისტროების, დაზვერვის სამსახურისა და სახელმწიფო დაცვის სპეციალური სამსახურის ოფიცრებს; კ) მოსამართლეს ლ) საქართველოს სახალხო დამცველს და მის მოადგილეს; მ) საქართველოს პრეზიდენტის სათათბირო ორგანოს წევრებს); ნ) საქართველოს პრეზიდენტის თანაშემწეებს; ო) საქართველოს ენერგეტიკისა და წყალმომარაგების მარეგულირებელი ეროვნული კომისიისა და სხვა მარეგულირებელი ეროვნული კომისიების წევრებს; პ) საჯარო სამსახურის ბიუროს უფროსს და მის მოადგილეებს; ჟ) საკრებულოს თავჯდომარეს, გსმგებელს, ქალაქის მერს, რ) პროკურორს, მის მოადგილეს, თანაშემწეს და გამომძიებელს.

2. ამ მუხლის პირველ პუნქტში მითითებულ თანამდებობის პირებს სამსახურებრივი უფლებამოსილება უწყდებათ შესაბამის საარჩევნო კომისიაში კანდიდატად წარდგენამდე.