1965 წელს, შოტლანდიის ერთ-ერთ სოფელში, მოსახლეობა უყურებდა ფილმს _ “80 დღე მსოფლიოს გარშემო. იმ დროს, როცა ფილმის გმირები ჩასხდნენ საჰაერო ბურთის კალათში და გადაჭრეს ბაგირები, გაისმა საშინელი ჭახანი. გარეთ გამოვარდნილმა მაყურებლებმა დაინახეს, რომ კინოთეატრის სახურავს დასცემოდა ზუსტად ისეთი საჰაერო ბურთი, რომლითაც ფილმის გმირები სამოგზაუროდ გაფრინდნენ.
როცა ამერიკელმა ასტრონავტმა ნილ არმსტრონგმა ფეხი მთვარეზე დადგა, მისი პირველი სიტყვები იყო: “წარმატეტებს გისურვებთ, მისტერ გორსკი!” საქმე იმაშია, რომ არმსტრონგმა, ბავშვობაში, შემთხვევით მოისმინა მეზობელი ცოლ-ქმრის, გორსკების კამათი. ცოლი ქმარს ებუზღუნებოდა: “შენ მხოლოდ მაშინ შეძლებ ქალის დაკმაყოფილებას, როცა მეზობლის ბიჭი ნილი მთვარეზე გაფრინდება!”
იტალიაში, ერთ-ერთ შოსეზე ორი ავტომობილი ერთმანეთს შეეჯახა. საბედნიეროდ, არც ერთი მძღოლი არ დაშავებულა. გახარებულებმა ერთმანეთს ხელი ჩამოართვეს და აღმოჩნდა, რომ ორივეს ერთნაირი სახელი და გვარი ჰქონდა _ ჯაკომო ფელიჩე, რაც, იტალიურად “იღბლიანს” ნიშნავს.
დეტროიტელი ჯოზეფ ფიგლოკი ქუჩაში პატიოსნად მისეირნობდა, როცა მას ზემოდან ჩვილი ბავშვი დაეცა. ფიგლოკმა მოასწრო ხელის შეშველება და ბავშვი დაიჭირა ისე, რომ არც ერთი არ დაშავებულა. აღმოჩნდა, რომ დედას დაავიწყდა ფანჯრის დაკეტვა, ჩვილი რაფაზე აძვრა და გადმოვარდა. საბედნიეროდ, მას ქვევით ჯოზეფი დახვდა. ზუსტად ერთი წლის შემდეგ ფიგლოკი ისევ პატიოსნად მისეირნობდა ქუჩაში და მას ისევ დაეცა… ისევ ის ბავშვი! ჯოზეფმა ისევ მოასწრო ფანჯრიდან ხტუნვის მოყვარულის დაჭერა ისე, რომ არც ერთი ისევ არ დაშავებულა. დედას ისევ დაავიწყდა ფანჯრის დაკეტვა.
მარჩელო მასტროიანი მეგობრებთან ქეიფობდა. შეზარხოშებულმა მარჩელომ ძველი სიმღერა წამოიწყო: “დაიწვას ის სახლი, სადაც მე ასე ბედნიერი ვიყავი…” მსახიობს სტროფი ჩამთავრებული არ ჰქონდა, როცა ტელეფონით შეატყობინეს, რომ მისი აპარტამენტი დაიწვა.
1939 წელს, ატლანტიკის ოკეანეში, ზუსტად იმ ადგილზე, სადაც “ტიტანიკი” ჩაიძირა, მიცურავდა გემი _ “ტიტანიანი”. უცებ, შინაგანმა გრძნობამ რაღაც უკარნახა კაპიტანს და მან გასცა ბრძანება გემის გაჩერების შესახებ. როცა გემმა მკვეთრი დამუხრუჭება დაიწყო, გემბანზე უკმაყოფილო მგზავრები გამოცვივდნენ. მათ თვალწინ, სიბნელიდან უცებ აღიმართა უზარმაზარი აისბერგი, რომელიც გემს დაეჯახა, ოღონდ, მხოლოდ წინა მხარეს და მისი სერიოზული დაზიანება ვერ შეძლო.
1997 წელს, ცნობილი საბჭოთა ფიგურისტი ირინა როდნინა, მეგობართან ერთად, ლოს ანჯელესის ქუჩებში სეირნობდა. ერთ-ერთ კაფესთან გავლის დროს როდნინამ გაიხსენა: “ოდესღაც, მე და ჩემი სპორტული პარტნიორი ულანოვი ამ კაფეში შევედით და აი, იმ მაგიდასთან ვისხედით…” რაოდენ დიდი იყო ირინა როდნინას და მისი მეგობრის გაკვირვება, როცა მათ დაინახეს, რომ სწორედ იმ მაგიდასთან სწორედ როდნინას პარტნიორი ულანოვი იჯდა!
