და მათ შეკითხვებს უპასუხა.
უსუფაშვილის განცხადებით, საგაზაფხულო სესიები საკმაოდ ნაყოფიერი გამოდგა, რადგან ამ ხნის განმავლობაში პარლამენტმა 137 კანონი მიიღო, მსოფლიოს 70 ქვეყანაში ოფიციალური შეხვედრები გაიმართა, მიიღეს 500 დადგენილება და დაძლიეს პრეზიდენტის რვა ვეტო.
დავით უსუფაშვილმა ყველაზე მნიშვნელოვან კანონპროექტებზე ისაუბრა, რომელსაც პარლამენტში საკმაოდ მწვავე დებატები მოჰყვა. მისი განცხადებით, “საერთო სასამართლოების შესახებ კანონპროექტი” მნიშვნელოვანია, რადგან ეს განაპირობებს მოსამართლეების თავისუფალ გადაწყვეტილებას და სასამართლოს გათავისუფლებას სახელისუფლებო წნეხისგან. ასევე, მნიშვნელოვანი და საკმაოდ ხმაურიანი იყო “შრომის კოდექსის კანონპროექტის” განხილვა პარლამენტში, რომელიც საქართველოს ყველა მოქალაქეს ეხება და მნიშვნელოვნად გააუმჯობესებს როგორც დამსაქმებლის, ასევე დასაქმებულის უფლებებს.
უსუფაშვილმა მნიშვნელოვანი უწოდა “პროკურატურის შესახებ მიღებულ კანონპროექტს”, რომელმაც იუსტიციის მინისტრის ფუნქცია მოვალეობები გამიჯნა პროკურატურისგან. დავით უსუფაშვილმა ასევე ისაუბრა ორ კანონპროექტზე, რომელსაც პრეზიდენტმა ვეტო დაადო _ საუბარია “საზოგადოებრივი მაუწყებლის შესახებ კანონპროექტსა” და “ეროვნული მარეგულირებელი კომისიის შესახებ კანონპროექტებზე”.
დავით უსუფაშვილმა ორ ახალ კანონპროექტზეც ისაუბრა, რომელიც მთვრობის მიერაა ინიცირებული _ საქმე ეხება “პოლიციის შესახებ კანონსა” და “საგზაო მოძრაობის შესახებ კანონპროექტში” შესატან ცვლილებებს.
რიგგარეშე სესიების გასამართად პარლამენტი პრეზიდენტს მიმართავს და ხვალ 12 საათამდე, თუ ნებართვა არ იქნა, ამ შემთხვევაში პარლამენტი თავისი ნებით შეიკრიბება პლენარულ სესიაზე. რიგგარეშე საპარლამენტო სესიები აგვისტოს პირველ რიცხვებამდე გასტანს, საშემოდგომო სესიები კი სექტემბრის პირველი რიცხვებიდან გაგრძელდება.
