კულტურის სახლის მშენებლობისათვის გამოყოფილი ტერიტორიის ინვესტორზე სასტუმროს დანიშნულებისათვის მიყიდვას, სადაც დაწყებულია და უნდა გაგრძელდეს კულტურის სახლის მშენებლობა.
ამ საკითხის ირგვლივ უამრავი მასალა დაიწერა ბეჭდურ თუ ინტერნეტ-გამოცემებში. “გურია ნიუსიც” აქტიურად აშუქებდა საზოგადოება “წალენჯიხელის” ბრიფინგებს, პრესკონფერენციებს და აღნიშნული საკითხის განხილვებს.
საზოგადოება “წალენჯიხელის” თავმჯდომარემ მელორ ზარქუამ განაცხადა, რომ მათ მიიღეს სამეგრელო-გურია-ზემო სვანეთის მომსახურების ცენტრის ხელმძღვანელის, გოჩა კანკავას წერილი _ ცენტრს შესაბამისი სამინისტროებისგან დავალებული ჰქონდა საბოლოო დასკვნის დადება. წერილში აღნიშნულია, რომ ცენტრი ითვალისწინებს წალენჯიხელთა და საზოგადოება “წალენჯიხელის” აზრს, კულტურის სახლისათვის შერჩეული ტერიტორია შენარჩუნებულ იქნას ამ ობიექტის ასაშენებლად და არასწორად მიაჩნიათ აღნიშნული ტერიტორიის გასხვისება.
მელორ ზარქუა: “ჩვენი მოსახლეობის უდიდესი ნაწილის მოთხოვნაა, დამთავრდეს ბოლო პერიოდში უკიდურესად გამძაფრებული დაპირისპირება კულტურის ცენტრის ასაშენებელი ტერიტორიის გასხვისების თაობაზე.
ერთხელ კიდევ გავიმეორებთ _ როცა ქვეყნის ხელისუფლება აცხადებს, რომ თვითონ იწყებს კულტურის ობიექტების მშენებლობების დაფინანსებას, ეს შანსი ხელიდან არ უნდა გავუშვათ და ამით ხორცი შეესხმება წალენჯიხელთა ნანატრი ოცნების გახორცილებას.
უსაგნო დაპირისპირებას არ უნდა გადავაყოლოთ უმნიშვნელოვანესი საქმე. ვნებათა ღელვამ პიკს მიაღწია ქალაქის ცენტრში კულტურის სახლის აშენების ან მის ადგილზე სასტუმროს აშენების გამო. საზოგადოებრივი აზრისა და ქვეყნის შესაბამისი სამინისტროების შეხედულებები ერთმანეთს ემთხვევა და გადაწყდა კულტურის კერის სასარგებლოდ.
ამ დღეებში, საზოგადოება “წალენჯიხელმა” მიიღო წერილი სამეგრელო-გურია-ზემო სვანეთის მომსახურების ცენტრის ხელმძღვანელისგან, რომელსაც შესაბამისი სამინისტროებისგან დავალებული ჰქონდა საბოლოო დასკვნის დადება. წერილში აღნიშნულია, რომ ცენტრი ითვალისწინებს წალენჯიხელთა და საზოგადოება “წალენჯიხელის” აზრს კულტურის სახლისათვის შერჩეული ტერიტორია შენარჩუნებულ იქნას ამ ობიექტის ასაშენებლად და არასწორად მიაჩნია აღნიშნული ტერიტორიის გასხვისება”.
სამეგრელო-გურია-ზემო სვანეთის მომსახურების ცენტრმა აღნიშნული წერილი გაუგზავნა საქართველოს რეგიონალური განვითარებისა და ინფრასტრუქტურის სამინისტროს სსიპ “სახელმწიფო ქონების ეროვნული სააგენტოს” თავმჯდომარეს დიმიტრი ქუმსიშვილს, ხოლო ასლი საზოგადოება “წალენჯიხელის” თავმჯდომარეს მელორ ზარქუას.
წალენჯიხის მოსახლეობა იმედოვნებს, რომ კულტურის სახლის მშენებლობის გასაგრძელებლად თანხებიც უმოკლეს ვადაში გამოინახება.
