და “ფორმულა კრეატივის,” “რუსთავი 2”-ისა და კომპანია “ომეგა-მოტორსის” წინააღმდეგ სანქციების გატარებას ითხოვს. ორგანიზაცია საგანგებო მიმართვას ავრცელებს, რომელსაც უცვლელად გთავაზობთ.
“ბოლო პერიოდში საკმაოდ გააქტიურდა თამბაქოს მოხმარების დემონსტრირება პოპულარულ სერიალში “ჩემი ცოლის დაქალები”, განსაკუთრებით ახალგაზრდა ქალბატობების მხრიდან მასიურად ხდება ამ ქცევის დემონსტრირება, რომელიც 2003 წლის 1 აპრილიდან არის აკრძალული “რეკლამის შესახებ” კანონის შესაბამისად.
სერიოზული ეჭვი იბადებოდა იმის შესახებ, რომ მოწევის ასეთი აქტიური პროპაგანდისა და სოციალურად მიმღებლობის გაზდის უკან იდგა თამბაქოს კონკრეტული ინდუსტრია, რაც დადასტურდა კიდეც იმით რომ სერიალების ოფიციალურ სპონსორად მოგვევლინა “ომეგა” ჯგუფის კომპანია, რომელიც წარმოადგენს საერთაშორისო ტრანსნაციონალური თამბაქოს მწარმოებელი კომპანიის “ფილიპ მორისის” პარტნიორს და ახდენს მათი ლიცენზიით საქართველოში წარმოებული ბრენდების დისტრიბუციას. ძალიან სამწუხაროა, რომ თამბაქოს კომპანიასთან ასეთ გარიგებაში შევიდა შემოქმედებითი გაერთიანება “ფორმულა კრეატივი” და შესაბამისად დაირღვა “რეკლამის შესახებ” საქართველოს კანონის მე-13 მუხლი რომლის შესაბამისად, 2009 წლის 1 სექტემბრიდან “აკრძალულია თამბაქოს მწარმოებლების, იმპორტიორებისა და რეალიზატორების მიერ პირდაპირი ან/და არაპირდაპირი, ანუ სხვა იურიდიული თუ ფიზიკური პირის საშუალებით, სპონსორობა.” ეს დარღვევა კი ითვალისწინებს სოლიდურ ფინანსურ ჯარიმას, როგორც დამკვეთისათვის ანუ სპონსორისათვის, ასევე დამამზადებლისა და გამავრცელებელისათვის. ანუ ამ შემთხვევაში საჯარიმო სანქციები უნდა დაეკისროთ კომპანიებს “ომეგა-მოტორსი”, “ფორმულა კრეატივი” და სამაუწყებლო კომპანია “რუსთავი-2”.
თამბაქოს კონტროლის ალიანსი კიდევ ერთხელ მიმართავს “ფორმულა კრეატივს” Sეწყვიტოს თანამშრომლობა თამბაქოს ინდუსტრიასთან და არ დაუშვას მოწევის პროპაგანდა, რომელიც წარმოადგენს კანონდარღვევას. წინააღმდეგ შემთხვევაში, უფლებას ვიტოვებთ ოფიციალურად მივმართოთ შინაგან საქმეთა, ფინანსთა სამინისტროებსა და ქ. თბილისის მერიის ზედამხედველობის სამსახურს მოახდინონ რეაგირება ზემოაღნიშნულ სამართალდარღვევაზე და გაატარონ კანონით გათვალისწინებული ღონისძიებები,” _ ნათქვამია მიმართვაში.
