საქართველოს გაერთიანებული წყალმომარაგების დირექტორ არჩილ ცაბუტაშვილთან და ტექნიკურ დირექტორთან გიორგი კობერიძესთან ერთად შეაჯამა.
ანგარიშის მიხედვით, კომპანიამ ეფექტიანი მენეჯმენტის პირობებში გასულ წელთან შედარებით შემოსავლები 2 107 867 ლარით გაზარდა. საანგარიშო პერიოდში (6 თვე) მთლიანმა შემოსავლებმა შეადგინა 15 949 659 ლარი, მაშინ, როცა 2012 წლის იგივე პერიოდში 13 841 792 ლარი იყო.
ასევე, პირველი 6 თვის განმავლობაში დაიწყო, ან უკვე განხორციელდა შემდეგი ინფრასტრუქტურული პროექტები:
დაიწყო ქუთაისის, ფოთისა და ანაკლიის 60 მილიონი ლარის ღირებულებისპროექტის განხორციელება. პროექტის შედეგად, ფოთს და ანაკლიას მთლიანად, ასევე, ქუთაისის ნაწილს 24 საათიანი წყალმომარაგება ექნება.
ევროპის საინვესტიციო ბანკის (EIB) მიერ გამოყოფილი 40 მლნ. ევროს ოდენობით სესხის ფარგლებში ქვეყნის 15 ქალაქში დასრულდა წყალმომარაგების სისტემების სარეაბილიტაციო სამუშაოები; აღდგა და გარემონტდა წყალსადენის ქსელები და სათაო ნაგებობები. ეს ქალაქებია: ქუთაისი, გორი, ყვარელი, სიღნაღი, თეთრიწყარო, ფოთი, მარნეული, ცაგერი, ლენტეხი, გურჯაანი, თელავი, ომალო, ვანი, ლაგოდეხი, ბორჯომი.
დონორი ორგანიზაციებიდან (EIB,WB, USAID) 30 ქალაქის რეაბილიტაციისთვის მოზიდულ იქნა 100 მლნ ლარის ინვესტიციები შემდეგი ქალაქებისთვის: აბაშა, სენაკი, ხობი, ოზურგეთი, ონი, ქარელი, ხაშური, დუშეთი, ლიკანი, წაღვერი, ასპინძა, ახალციხე, გურჯაანი, სიღნაღი, ახმეტა, ლგოდეხი, ყვარელი, საგარეჯო, თელავი, წყალტუბო, კურდღელაური, წნორი, წალკა, ბოლნისი, თეთრიწყარო, ბაღდათი, ჭიათურა, ზესტაფონი, თერჯოლა, ტყიბული. ევროკავშირის (EU) დაფინანსებით დასრულდა 2,6 მლნ. ლარის პროექტები ქვეყნის 7ქალაქში: ზესტაფონი, ხონი, ხაშური, კასპი, დუშეთი, სენაკი, ფოთი.
აშშ საერთაშორისო განვითარების სააგენტოს (USAID) დაფინანსებით დაიწყო ქ. ონისქვედრულას სათავე ნაგებობაზე სასმელი წყლის გამწმენდი ნაგებობის მშენებლობა; დაიწყო ევროკავშირის (EU) მიერ გამოყოფილი 4 მილიონი ევროს გრანტის ათვისება(ტექნიკურ-ეკონომიკური დასაბუთების მომზადების დაწყება ექვს ქალაქში: სენაკი,ზესტაფონი, ხაშური, ლაგოდეხი, ახმეტა, ყვარელი).
ხელი მოეწერა ხელშეკრულებას ევროპის საინვესტიციო ბანკთან (EIB) – 40 მლნ.ევროს ოდენობით სესხის და 8 მლნ. ევრო გრანტის გამოყოფის თაობაზე;
დასრულდა მოლაპარაკებები და ხელი მოეწერა კონტრაქტს მსოფლიო ბანკთან (WB) 9 მლნ. დოლარის გრანტის გამოყოფის თაობაზე წყალტუბოში კანალიზაციისგამწმენდი ნაგებობის მშენებლობისთვის.
როგორც დავით ნარმანიამ განაცხადა, გარდა ინფრასტრუქტურული პროექტებისა, კომპანია მუდმივად ზრუნავს აბონენტებისათვის მომსახურების გაუმჯობესებაზე: “ამ კუთხით 6 თვის განმავლობაში კომპანიაში განხორციელდა შემდეგი სიახლეები:
გაიხსნა საქართველოში წყლის მრიცხველის შესამოწმებელი ერთადერთი ლაბორატორიული სტენდი მცხეთის (ზაჰესი) და ქუთაისის სერვის ცენტრების ტერიტორიაზე. ეს ლაბორატორია საშუალებას იძლევა, მომხმარებელმა და ნებისმიერმა დაინტერესებულმა პირმა, გაარკვიოს საკუთარი წყლის მრიცხველის მუშაობის სიზუსტე და დადგენილი წესით მიიღოს ოფიციალური ცნობა მრიცხველის ვარგისიანობისა, ან ცდომილების შესახებ. რეგიონები აღიჭურვა წყლის ხარისხის მობილური ლაბორატორიებით: კომპანიამ შეიძინა 150 ათასი ლარის ღირებულების გერმანული წარმოების ქიმიურ-მიკრობიოლოგიური კვლევის აპარატურა შესაბამისი რეაგენტებით”.
საქართველოს გაერთიანებული წყალმომარაგების კომპანიის ტექნიკური დირექტორის, გიორგი კობერიძის თქმით, აბონენტების გამრიცხველიანება ძალიან მნიშნელოვანია იგივე სოციალური სამართლიანობის კუთხით, რადგან ადამიანი იმდენს იხდის, რამდენ წყალსაც ხარჯავს. კობერიძემ ასევე აღნიშნა, რომ ვინაიდან მათი კომპანია სახელმწიფოა, მოგებაზე ნაკლებადაა ორიენტირებული და შემოსავლები, ძირითადად, მომსახურების ხარისხის გაუმჯობესებაზეა მიმართული.
6-თვიან ანგარიშში ნათქვამია, რომ საქართველოს გაერთიანებული წყალმომარაგების კომპანიაში 24 საათის განმავლობაში მუშაობს ცხელი ხაზი,რომლის ნომერია 2 93 00 00. ცხელი ხაზი უფასოა და მოსახლეობას ემსახურებამთელი საქართველოს მასშტაბით, გარდა აჭარის, რუსთავის, მცხეთის და თბილისისა. აღნიშნულ რაიონებში წყლის კერძო კომპანიები მოქმედებენ და ამიტომ იქ საქართველოს გაერთიანებული წყალმომარაგების კომპანიის მომსახურება არ ვრცელდება.
