და პრესკონფერენცია გამართა.
თენგიზ ჯგუშია: “რიყეში, სუფრაზე მერაბ ქვარაიამ რამდენჯერმე შეუფერებლად მომმართა. ვთხოვე, კულტურულად ესაუბრა. მითხრა, ბევრი რამე გეშლება აქაც და ცხოვრებაშიო. მოვერიდე სიტუაციის გამწვავებას. სახლში ვბრუნდებოდი, როცა სახელმწიფო მანქანით დამედევნენ გამგეობის მთვრალი წარმომადგენლები. სახლთან არ გავაჩერებინე მანქანა, რადგან იქ იყვნენ ჩემი მოხუცი დედა და არასრულწლოვანი შვილი. გზა გავაგრძელეთ. ჩიხში დაგვეწივნენ და ჩვენსკენ უშვერი გინებით და მუქარით გამეომართნენ. ვინმე დაიჯერებს, რომ ასეთ ადგილას ეს ადამიანები ჩემს მოსანახულებლად მოვიდნენ, ან რომელიმეს გამეტება მინდოდა და ახლო მანძილზე ეს ვერ მოვახერხე? მინდა იცოდეთ ისიც, რომ ვითარების განმუხტვის შემდეგ რამდენიმე სატელეფონო ზარი განვახორციელე სამხარეო პოლიციის უფროს ლევან შონიასთან, მოგვიანებით კი სახლში მოსულ სამართალდამცავებს ჩავბარდი. მინდა ხმამაღლა განვაცხადო-გამგეობის თანამშრომლებმა ცრუ ჩვენებები მისცეს. ძალიან რთულ მდგომარეობაში არიან. მერაბ ქვარაიას, თენგიზ ქობალიას და თაზო ფაცაციას მინუმუმ თანამდებობების დატოვება და მართლმსაჯულების წინაშე წარდგომა მოუწევთ”.
ჯგუშია საპარლამენტო უმრავლესობის წევრის, მანანა კობახიძის “მეცხრე არხისთვის“ მიცემულ ინტერვიუსაც გამოეხმაურა დააღნიშნა, რომ არანაირი ურთიერთობა არ აქვს “ქართული ოცნების” ადგილობრივ წარმომადგენლებთან, რადგან შორს დგას მათი იდეოლოგიისგან.
მკითხველს შევახსენებთ, რომ მანანა კობახიძემ “მეცხრე არხის” ეთერში განაცხადა, რომ “სამეგრელოს ხმის“ ხელმძღვანელს პარტიის წევრობა და “ქართული ოცნების“ ზუგდიდის ორგანიზაციის თავმჯდომარეობა სურდა.
