ჩვენ მოვახერხეთ და ეს ინფორმაცია “თავისუფალი დემოკრატების” მხარდამჭერ გელა კვერჩხილაძესთან და “ქართული ოცნების” წევრ ზურაბ რუსიძესთან გადავამოწმეთ. მათ დაგვიდასტურეს, რომ კოალიციას ტოვებენ, მაგრამ არ ემიჯნებიან ბიძინა ივანიშვილის პოლიტიკას, თუმცა, ამ ეტაპზე თვლიან, რომ ლანჩხუთში კოალიციურ რეჟიმში მუშაობა არ შედგა და ისინი ბურჯანაძის შტაბს უერთდებიან.
აღნიშნულ ინფორმაცის დიდი გამოხმაურება მოჰყვა კაოლიციაში შემავალი პარტიების მხრიდან, უკვე მიმდინარეობს დანაკლისის დათვლა და სიების დაზუსტება.
სულ ცოტა ხნის წინ კი კოალიციაში შემავალმა ეროვნულების” ორგანიზაციის თავმჯდომარემ გია ფირცხალაიშვილმა და მისი ორგანიზაციის დაახლოებით 200 წევრმაც გამოთქვა სურვილი სახალხო კრებაში გაერთიანებისა ნინო ბურჯანაძის მხარდასაჭერად.
ჩვენი ინფორმაციით გელა კვერჩხილაძისა და ზურაბ რუსიძის გარდა, ლანჩხუთში, კოალიცია “ქართულ ოცნებას” გაემიჯნენ კოტე ქანთარია, “რესპუბლიკური პარტიის” წევრი და 26 მაისის აქციებში მონაწილე, ვლადიმერ ჩხაიძე ” ქართული ოცნების” ახალგაზრდული ორგანიზაციის თავმჯდომარე, ასევე, “ქართული ოცნების” წევრები: ალიკო პაიკიძე, ტარიელ მშვიდობაძე, მარიკა ქანთარია, გედევან დოლიძე, გიორგი ჭანტურია, “თავისუფალი დემოკრატების” წევრი იური იმნაიშვილი.
“ქართული ოცნებიდან” წასული მოქალაქეების დაზუსტებულ სიას “გურია ნიუსი” მას შემდეგ მოგაწვდით, რაც პარტიები დათვლიან დანაკლისსა და შემომატებულ წევრებს.
