“დიდი ხანია, ქართული მედია სივრცე მწვავე დებატებისა და პოლიტიკური დაპირისპირების საგანს წარმოადგენს. მიუხედავად იმისა, რომ “პრესის თავისუფლების ინდექსის” თანახმად საქართველოს საუკეთესო მაჩვენებელი აქვს, ამ სფეროში ჯერ კიდევ ბევრი მნიშვნელოვანი პრობლემაა გადასაჭრელი. ბეჭდურ მედიასა და რადიოში აზრთა ფართო სპექტრია წარმოდგენილი, ისევე როგორც იმ ტელეარხებზე, რომლებიც საქართველოში მაუწყებლობს.
თუმცა, ხშირად მედია საშუალებები აღიქმება, როგორც ამა თუ იმ პოლიტიკური ჯგუფის ინტერესების გამტარებელი მიკერძოებული წყაროები და არა როგორც ინფორმაციის მიუკერძოებელი მიმწოდებლები.
წლების განმავლობაში საზოგადოებრივი მაუწყებელი პოლიტიზირებული დაწესებულება იყო, რომელსაც აკონტროლებდა და დღემდე აკონტროლებს სამეთვალყურეო საბჭო, რომელიც ღიად ჩაერია და ერევა არხის სარედაქციო პოლიტიკაში. ამჯერად ბორდი საზოგადოებრივი მაუწყებლის, გენერალური დირექტორის, გიორგი ბარათაშვილის გათავისუფლებას აპირებს. დირექტორმა და ადმინისტრაციამ, რამდენიმე დღის წინ, საბჭოს და საზოგადოებას წარუდგინა მაუწყებლის ახალი სეზონის ბადე და ბიუჯეტი, რომელიც აკმაყოფილებს იმ სტანდარტებს, რასაც საზოგადოებრივი მაუწყებლის წესდება ითვალისწინებს. მიუხედავად ამისა, საზოგადოებისთვის ცნობილი გახდა, რომ მომავალ სხდომაზე, ბორდი გიორგი ბარათაშვილის თანამდებობიდან გადაყენების საკითხს დააყენებს. ყოვლად მიუღებელია ბორდის უპასუხისმგებლო პოლიტიზირებული დამოკიდებულება იმ ფაქიზი საკითხისადმი, რასაც საზოგადოებრივი მაუწყებლის დირექტორის თანამდებობა ჰქვია. მოახლოებული საპრეზიდენტო არჩევნების წინა პერიოდში საზოგადოებრივი არხის დირექტორის და მენეჯმენტის შეცვლა ყოვლად მიუღებელია. მიგვაჩნია, რომ არხს სამეთვალყურეო საბჭო მიზანმიმართულად უქმნის პრობლემებს. შესაბამისად, არსებობს საფუძვლიანი ეჭვი, რომ გარკვეული ძალები შეგნებულად ხდიან არხს პოლიტიზირებულს, რადგან დირექტორის გათავისუფლების საკითხი, სწორედ იმ დროს გახადა ბორდმა აქტუალური, როდესაც პოლიტიკურად ანგაჟირებული გადაცემების დახურვის შესახებ არხის ადმინისტრაციამ ოფიციალურად გამოაცხადა.
ძალიან მნიშვნელოვანია ჟურნალისტების სოლიდარობა მაშინ, როდესაც ჟურნალისტის თავისუფლებას ემუქრება საფრთხე. არსებობს საშიშროება, რომ საზოგადოებრივი მაუწყებელი მოექცეს ერთ-ერთი პოლიტიკური ძალის გავლენის ქვეშ. 2012 წლის 1 ოქტომბრის მერე საზოგადოებრივი მაუწყებელი გახდა გაცილებით დაბალანსებული, ობიექტური და სწორი ინფორმაციის გამავრცელებელი მედიასაშუალება, ვიდრე არჩევნებამდე და ვფიქრობთ, რომ ბორდის წარმომადგენლები, რომლებიც ამჟამად საზოგადოებრივ მაუწყებელს მართავენ, სავარაუდოდ არიან ერთ-ერთი პოლიტიკური ძალის დაქვემდებარების ანდა ზემოქმედების ქვეშ და იქიდან გამომდინარე , რომ თავიდან იქნას აცილებული, რომელიმე მედია საშუალების პოლიტიზირებულობა, აუცილებელია თავისუფალი, დამოუკიდებელი, ობიექტური მედიის დასაცავად, შევიკრიბოთ CCI Press_ის ოფისში. რათა ვიმსჯელოთ პრობლემის მოგვარების გზებზე და მივმართოთ ე.წ. ბორდს, რომ შეწყვიტოს პოლიტიკურად მოტივირებული ქმედებები დირექტორის წინააღმდეგ.
სწორედ ამიტომ მოგიწოდებთ შევიკრიბოთ 5 სექტემბერს, 18:00 საათზე, CCI Press-ის ოფისში. მისამართი – ქ. თბილისი კ. მარჯანიშვილის #16, კორპუსი 4, სადარბაზო #2, სართული 2, ბინა #2ა
საკონტაქტო ნომერი: 597 428 448,” _ ნათქვამია განცხადებაში.
