ჩვენს მიერ გადაღებული ფოტოების საფუძველზე, "ახალგაზრდა იურისტთა ასოციაციის" ოზურგეთის ოფისმა უკვე მიმართა საოლქო საარჩევნო კომისიას და პოლიციელების დაჯარიმება მოითხოვა.
ჯერჯერობით, უცნობია, რა გადაწყვეტილება მიიღო კომისიამ, თუმცა, "გურია ნიუსმა" ნინო ბურჯანაძის საარჩევნო შტაბის წარმომადგენლის, გურამ ბერძენიშვილის დახმარებით კიდევ ერთი ვიდეო მასალა მოიპოვა _ მარგველაშვილის ვიზიტის დღეს, პოლიციელი "ქართული ოცნების" დროშას აფრიალებდა, რაც იურისტების განმარტებით, კანონის დარღვევაა და ეს ის შემთხვევაა, როცა კითხვები არ არსებობს.
ჩვენი წყაროს ინფორმაციით, ამჟამინდელი ძალოვნები, რომელთა აბსოლუტური უმრავლესობა უახლოეს წარსულში “ნაცმოძრაობის“ აქტიური მხარდამჭერი იყო, დღეს "ქართული ოცნების“ მოსახლეობასთან შეხვედრაზე სპეციალურად მიდიან და აქტიურობენ. წყაროს თქმით, ძალოვნებს “ქართული ოცნების“ შეხვედრაზე მისვლას ყოფილი მფარველები _ “ნაციონალები“ ავალებენ, რათა დამკვირვებლებს და საერთაშორისო საზოგადოებას დაუმტკიცონ, რომ “ქართული ოცნება" წინასაარჩევნო კამპანიაში ადმინისტრაციულ რესურსებს იყენებს და არჩევნების შედეგები ეჭვქვეშ დააყენონ.
