“თეთრიწყაროს მუნიციპალიტეტს რეგიონებში განსახორციელებელი პროექტების ფონდიდან წელს 2 მილიონ ლარზე მეტი მიეცა. ეს თანხა რამდენიმე სოფელში წყალმომარაგების სისტემის მოწესრიგებასა და ქალაქ თეთრიწაყროში შიდა სარგებლობის მუნიციპალური გზების მშენებლობაზე იხარჯება. გზების ერთი ნაწილი უკვე დასრულებულია, კონტრაქტორები ახლა მეორე ნაწილზე მუშაობენ. დარჩენილია გვერდითა სამუშოები, წყლის სისტემის მოწესრიგების ნაწილი, რაც უახლოეს დღეებში დამთავრდება,” – განაცხადა დავით ნარმანიამ.
მინისტრის განმარტებით, სოფლების წყალმომარაგების სისტემებთან დაკავშირებული სამუშოები მოგვიანებით დაიწყება და წლის ბოლომდე დასრულდება.
“თეთრიწყაროს ამ განაპირა ქუჩაზე არასდროს ყოფილა გზა და მოსახლეობა სულ იყო შეწუხებული უგზოობით, ტალახით, მოუწესრიგებელი სანიაღვრეებით. ახლა ეს ყველაფერი კეთდება.
თეთრიწყაროს მუნიციპალიტეტში ძალიან ბევრია ასეთი დაუგებელი ქუჩა და 2014 წლიდან მათ მოსაწესრიგებლად სამუშოებიც ინტენსიურად დაიწყება. მომავალი წლისთვის, ასევე, დაგეგმილი გვაქვს სანიაღვრე და საკანალიზაციო სისტემების გამართვაც,” – განაცხადა თეთრიწყაროს მუნიციპალიტეტის გამგებელმა მამუკა ჩოქურმა.
რეგიონებში განსახორციელებელი პროექტების ფონდიდან, 2013 წელს, თეთრიწყაროს მუნიციპალიტეტში 19 ინფრასტრუქტურული პროექტი ხორციელდება.
