მათ შორის: • მიმდინარეობს მუშაობა ქობულეთის შემოვლითი გზის II ლოტზე, რომელიც 19-კილომეტრიან მონაკვეთს მოიცავს. აღნიშნული მონაკვეთის დასრულება 2016 წლისთვისაა დაგეგმილი. ამ მონაკვეთის მშენებლობით აჭარის შემოვლითი გზის პირველი ეტაპის სამუშაოები დასრულდება.
• მიმდინარეობს ზესტაფონი-სამტრედიის 58 კმ-იანი მონაკვეთის ჩქაროსნული გზის მშენებლობა, სადაც ავტოტრანსპორტის მოძრაობის ახალ გზაზე გადართვა 2014-2015 წლებში ეტაპობრივად განხორციელდება. აქედან, წელს დასრულდება ქუთაისის შემოვლითი 17,3 კმ-იანი ახალი მიმართულების გზისა და ნაწილობრივ, ქუთაისი-სამტრედიის გზის 14 კმ-იანი მონაკვეთის მშენებლობა. სამუშაოები დაიწყო ზესტაფონი-ქუთაისის შემოვლითი გზის 15,1 კმ-იან მონაკვეთზე.
• მიმდინარეობს რუისი-აგარის 19 კმ-იანი მონაკვეთის მშენებლობა, სადაც ავტოტრანსპორტის მოძრაობა ახალ გზაზე 2013-2014 წლებში ეტაპობრივად გადაერთვება. წელს ამ გზის 8 კმ-იანი მონაკვეთის მშენებლობა დასრულდება.
• მიმდინარეობს აგარა-ზემო ოსიაურის 12 კმ-იანი სამშენებლო მონაკვეთის სატენდერო პროცედურები.
• წლის ბოლომდე დასრულდება სამტრედია-ლანჩხუთის 12 კმ-იანი მონაკვეთის მშენებლობის სატენდერო პროცედურები.
• მიმდინარეობს ჩუმათელეთი-ზესტაფონის მონაკვეთის ტექნიკურ-ეკონომიკური შეფასება.
შეგახსენებთ, რომ
დღეს ცენტრალური ავტომაგისტრალის ქობულეთის შემოვლითი გზა გაიხსნა, რაც თბილისი-ბათუმის მონაკვეთზე მოძრაობას, გაცილებით ნაკლებ დროში, უფრო კომფორტულს გახდის და რომლის საერთო ღირებულებაც 115 მილიონ 500 ათასი ლარია.
