აღნიშნულ პროექტს “კავკასიის ეკონომიკური და სოციალური კვლევითი ინსტიტუტი” “სომხეთის საშუალო და მცირე მეწარმოების განვითარების ეროვნულ ცენტრთან” ერთად, “ევროკავშირის” “შავი ზღვის აუზის პროგრამის” (Black Sea CBC) დაფინანსებით ახორციელებს.
“ადგილობრივი/რეგიონული ეკონომიკური განვითარების ქსელები, როგორც გადამწყვეტი ფაქტორი კონკურენტუნარიანობის ზრდისათვის შავი ზღვის აუზის რეგიონში” ერთდროულად 5 ქვეყანაში ხორციელდება. ესენია: სომხეთი, საქართველო, მოლდოვა, საბერძნეთი და ბულგარეთი.
პროექტი მიმართულია მცირე და საშუალო ბიზნესის განვითარებისკენ. მის ფარგლებში 250 მეწარმე თავისი ბიზნესის კარგად ასამუშავებლად ახალ შესაძლებლობებს მიიღებს. ეს იქნება ტრენინგების, კონსულტაციების, ახალი ქსელების შექმნის, საინფორმაციო კამპანიების და სხვა გზით. პროექტი განხორციელდება სხვადასხვა რეგიონში. მასში ჩაერთვებიან არამარტო ბიზნესის, არამედ ადგილობრივი ხელისუფლების წარმომადგენლები. არამხოლოდ- საქართველოში, არამედ ყველა ამ 5 ქვეყანაში,” _ ამბობს “კავკასიის ეკონომიკური და სოციალური კვლევითი ინსტიტუტის” დირექტორი თემურ თორდინავა.
თორდინავას თქმით, ყველაზე საინტერესო ის არის, რომ პროექტის დასრულების შემდეგ 5 ბიზნეს-გეგმა დაფინანსდება, რომელიც საზღვრისპირა რეგიონებს ბიზნესის მიმართულებით შეეხება. დასაფინასებელი საწარმოების შესარჩევად კი სპეციალურ კრიტერიუმებს შეიმუშავებენ.
პროექტის ხანგრძლივობა შეადგენს 24 თვეს და მისი პარტნიორები არიან: გეღარკუნიკის წარმოებისა და ვაჭრობის პალატა, სომხეთი; PIERIKI ANAPTIXIAKI S.A.-O.L.A., საბერძნეთი; ბიზნესის საკონსულტაციო ცენტრი, მოლდოვეთი; “ბიზნეს სააგენტო”, ბულგარეთი.
