განცხადება ცოტა ხნის წინ ნინო ბურჯანაძის საარჩევნო შტაბის ხელმძღვანელმა ირაკლი ბათიაშვილმა გააკეთა:
“დილიდანვე ჩვენი წარმომადგენლების მეშვეობით ცნობილი გახდა რომ დედაქალაქში და ყველა რაიონში, “ქართული ოცნება” და “ნაციონალური მოძრაობა” რეალურად გარიგდნენ და ისინი კოორდინირებულად მოქმედებენ არჩევნების გაყალბების მიზნით. სამწუხაროდ, დღეს საქმე გვაქვს არა იმასთან, რაზეც გველაპარაკება ხელისუფლება, არამედ მრავალრიცხოვან დარღვევასთან. აქ არა მხოლოდ დარღვევებზეა საუბარი, არამედ გაყალბების კონკრეტულ ფაქტებზე. მარნეულში მასობრივად მიმდინარეობდა ბიულეტენების ჩაყრა. ასევე დიდუბეში, 21-ე უბანზე დაფიქსირდა წინასწარ შევსებული ბიულეტენი. მინდა მივმართო ივანიშვილს, მას ჯერ კიდევ აქვს დრო დარჩენილი იმისათვის, რომ დამატებით მასობრივი დარღვევები და გაყალბებები აღმოფხვრას, რათა მას არ მიეწეროს არჩევნების გამყალბებლის იარლიყი და არ წავიდეს პოლიტიკიდან ასეთი სახელით”, – განაცხადა ბათიაშვილი.
ბურჯანაძის შტაბის ინფორმაციით გაყალბებების მეორე ტალღა 18:00 საათიდან დაიწყო.
ბათიაშვილის განცხადებით: “ნაციონალური მოძრაობის” და “ქართული ოცნების” წარმომადგენლები გარიგდნენ და კოორდინირებულად მოქმედებენ სწორედ არჩევნების გაყალბების მიზნით.
ჩვენ სამწუხაროდ დღეს საქმე გვაქვს არა იმასთან რასაც გველაპარაკება ხელისუფლება არამედ, არამედ არჩევნებთან, რომელიც დილიდანვე დაიწყო მრავალრიცხოვანი დარღვევებით. მე შემიძლია მთელი ნუსხა წაგიკითხოთ არა მხოლოდ გაყალბებებზე საუბარი, არამედ კონკრეტული ფაქტები.”
რაც შეეხება კონკრეტულ ფაქტებს, ირაკლი ბათიაშვილის განცხადებით, მარნეულში, 42-ე უბანზე და მთელ რიგ უბნებზე, ადგილი ჰქონდა ბიულეტენების მასობრივად ჩაყრას. თბილისში, დიდუბეში 21-ე უბანზე დაფიქსირდა წინასწარ შევსებული ბიულეტენი. ეს იყო წინასწარ შევსებული ბიულეტენები, რომელიც იდო.
“საბედნიეროდ, იმის გამო რომ იმარჯვეს დამკვირვებლებმა, ეს ვერ განხორციელდა. რაც შეეხება მარნეულს, აქ ადგილი აქვს მასობრივად ბიულეტენების ჩაყრას. ასევე, ჩვენი წარმომადგენლების გამოყრას, ასევე უპასპორტო მოქალაქეებს აძლევენ ხმის მიცემის საშუალებას. “ქართული ოცნების” და “ნაცმოძრაობის” აქტივისტების მხრიდან ადგილი აქვს დაუფარავ აგიტაციას, ზეწოლას ამომრჩეველზე. ჩვენ არჩევნების დამთავრების შემდეგ, ხელში გვექნება ვიდეო მასალები, რომელსაც წარმოგიდგენთ. არჩევნები, რომელიც 2012 წლის შემდეგ უნდა ყოფილიყო სანიმუშო, მიმდინარეობს მასობრივი დარღვევების ფონზე, რაც გამოწვეულია ერთადერთი მიზეზით, დღეს ხელისუფლება და ნაცმოძრაობა აშკარად ხედავს რომ მეორე ტური გარდაუვალია ხელისუფლების კანდიდატსა და ნინო ბურჯანაძეს შორის. ამის გამო ატეხილია განგაში და ამის გამო , ხუთი საათის შემდგომ დაგეგმილი აქვთ გაყალბების ახალი ტალღა. ამიტომ თითოეული მოქალაქის ვალია, ვიყოთ ფხიზლად და მობილიზებულად. სამწუხაროდ თავად პრემიერმა მისცა მათ მაგალითი კანონდარღვევის, როდესაც საარჩევნო უბანზე აწარმოვა აგიტაცია მისი კანდიდატი სასარგებლოდ. ეს გააშუქა ყველა ტელევიზიამ. მინდა მივმართო ივანიშვის, მას აქვს დრო დარჩენილი არჩევნების დამთავრებამდე, რომ იღონოს ყველაფერი და არ დაუშვას კიდევ დამატებით მასობრივი დარღვევები და გაყალბებები, რათა არ მიეწეროს არჩევნების გამყალბებლის იარლიყი და არ წავიდეს პოლიტიკიდან ასეთი სახელით.” – განაცხადა ბათიაშვილმა.
